ان كان احد من مسؤولي الحمراني موجود فليدخل ويتفرج على ضياع موظفيه!

ان كان احد من مسؤولي الحمراني موجود فليدخل ويتفرج على ضياع موظفيه!

السلام عليكم
والله الذي لا اله الا هو ان هذا ماحدث اليوم مع موظف الحمراني في الرياض فرع الشفا (طريق ديراب)
دخلت الصالة وسالت موظف المبيعات عن اسعار الباترول 2011
فقال اي فئة؟
انا= ماهي الفئآت الموجودة؟
هو: الفئآت كثيرة حدد لي النوع واعلمك السعر
انا=اذا ماعليك كلافة اكتب كل فئة في وسعرها في ورقة.
هو: ما اقدر ممنوع!
انا= ممنوع اعرف السعر؟؟؟
هو= والله هذي تعليمات الشركة يقولو ممنوع تعطي الزبون جميع الواصفات وجميع الاسعار فقط الفئة المطلوبة!
انا= وش جاب طاري المواصفات؟؟ انا اسأل عن الفئة وسعرها فقط!
هو: صعبة اعطيك اسعار شي ماراح تشريه!
انا : كيف يعني ماراح اشريه؟
هو : (على باله بيشرح) اذا كانت سعر السيارة مليون ماراح تشريها فلذالك ليش تسال عن سعرها!
انا : يالحبيب وش دخلك في موضوع اني بشري والا منيب شاري هذا مهوب شغلك وهذا راجع لي كزبون سواء كانت بمليون والا بعشرة ولا لك علاقة في طريقة تفكير ورغبات الزبائن. الظاهر الاعاقة متأصله فيكم يالحمراني حتى سعر السيارة ممنوع يعرفه الزبون؟؟؟ كيف اشري شي ما اعرف سعره انت ماتستحي مالك عقل تفكر فيه ترى الحمراني مهوب نافعك هو وتعليماته (هذا اذا كان كلامك صحيح انها تعليمات من الشركة) ترى مانافعك الا مبيعاتك والحمراني ماجاب خبرك (وسويت ضجة في الصالة وفيه زباين استنكرو طريقة الموظف في عرض الاسعار).
وفي الاخير قال ياخي فئآت الباترول كثيرة !
قلت: ياخي ابي اسعار الاس اي والـ ال اي فقط ست فآت والا؟
قال: اي نعم
قلت اكتبها اكتبها في ورقة وهاتها هذا حقي كزبون اعرف الفآت والسعر واختار على كيفي اما مسالة انك تقول فئة وحده والا السعر غالي والكلام اللي ماله سنع فهذا مرفوض ولا لك شغل فيه .
واخير بعد ان بدأ يستوعب انه دلخ وقال ابشر بس ما راح اكتبها في ورقه رسمية!!!
قلت ياخي وش جاب طاري الورقة الرسمية يمال عماة القلب!!! ياخي اكتبها على كرتون موية صحة ان بغيت اهم شي اعرف الفئة والسعر وخلاص اختراع صاروخ هو؟؟؟؟
واقتنع الموضف واخرج ورقة مربعة صغيره وكتب عليها المطلوب واعطانيها ( كانها مخدرات)!!!
والاسعار كانت
اس اي بالترتيب:
188
197
215
ال اي بالترتيب:
237
248
270

طبعا كلها 2011


الزبدة من الموضوع ليس الاسعار القضية قضية اعااااااااااااااااقة في الوكيل وفي موظفيه .
كيف تبغون الزبون يشري منكم وهذي سياستكم وعقلية موظفيكم؟؟؟؟؟؟؟
اعاقة مابعدها اعاقة .

وشهادة حق اذكر اول مانزل موديل 2010 قبل سنة تقريبا ذهبت الى فرع العليا وكان فيه موظف محترم سألته نفس السؤال وقال ابشر ثواني اطبع لك برنت وطبع برنت رسمي تفصيلي فيه جميع المواصفات والاسعار تقريبا 6 ورقات وعليها شعار الشركة. شف الفرق بين هذا الموظف وهذاك!!

اترك التعليق لكم.

الموضوع الأصلي: ان كان احد من مسؤولي الحمراني موجود فليدخل ويتفرج على ضياع موظفيه! || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

hk ;hk hp] lk lsc,gd hgplvhkd l,[,] tgd]og ,djtv[ ugn qdhu l,/tdi!