ملخص الشراء من المواقع الامريكيه للسيارات

ملخص الشراء من المواقع الامريكيه للسيارات

السلام عليكم ورحمه الله وبركاته
كيف حالكم شباب اسال الله ان تكونوا في اتم صحه واحسن حال
ندخل فالموضوع كما هو مبين فالاعلان فاضع بين ايديكم ملخص المواقع الامريكيه للسيارات سواء من ebay او كوبارت وغيرها
والفرق بينها وبين المزادات المباشره ونلقي نظره حول الموقع المتعارف عليه الاوتو تريدر والسيارات المصدومه
فبضل الله تعالى قمت بزياره اكثر من مزاد في الولايات المتحده في دلس وتاكسس فرجينيا نيوهمشر نيويورك نيوجيزي وغيرها من الولايات
ملخص ما رايت ,,,,,,,,,,,,
اولا : الاغلبيه العظمى ممن يحضرون تلك المزادات من الجنسيات العربيه اخواننا من سوريا وفلسيطين ولبنان.. كما وجدت اكثر السيارات تصديرا الى افريقا ثم الخليج ثم بعض الدول العربيه المجاوره
ثانيا : بالنسبه للمواقع التي تبيع السيارات بالمزادات الاون لاين طبعا يتم شرائهم من المزادات المباشره ووضعها فالمواقع الخاصه واهمهم موقع كوبارت طبعا السيارات قد تكون تحتاج الى بعض التصليحات الخفيفهفه فيقوم التاجر بتصليحها وعمل البولش الجيد لها لكن تبقى المشكله في الصدا الذي يكون اسفل السياراه ويقوم معالجته بوضع ماده الزفت او الجار مما يخفي ما بها من صدا وهذه اكثر المشاكل التي تحدث في مواقع الكوبارت وغيرها
ثالثا : ناتي لموقع مثل الاوتو تريدر فيهم شي من اللواته واللف والدوران ما رايت من بعضهم وليس كلهم يكون عارض موتر وتسال عنه يقول انباع وهو اصلا الموتر مش عنده بس عارضنه لكسب اكبر عدد من الزبائن ويحاول يقنعك بسياره اخرى سوالف عرب والله تقوله عطني رقم الشاضي تكتشف السياره في ولايه والمعرض في ولايه ثانيه ومن هذا القبيل حدث ولا حرج
رابعا : واعتقد انها من اهم النقاط ياشباب اعيد واكرر مب كل سياره من امريكا يعني رخيصه ممكن تشتري سياره من الامارات يكون سعرها يقارب سعر الامريكي ويكون عليها ضمان مثل واحد من الشباب محصل دينالي 2008 وعليها صمان ب 100000 دهم اقوله توكل ع الله شي جدامك وتقدر تفحصه فالوكاله وما تتنظر 40 يوم ومب عارف ياتصيب ولا تخيب وسعره فامريكا حول هذا السعر
خامسا : اكثر الشباب وللاسف يقولك انا حصلت ارخص من سعرك بوايد استغرب كيف ؟؟؟اضرب مثال ع اللكزس مثلا ال اس 460
واصله الامارات ومن تاجر وطالب فيها 128 وخاليه من الحوادث والغرق طيب كيف تظبط مع هذا التاجر ليش بكم ماخذ السياره ؟؟ ووين الجمرك ؟؟؟ ووين عمولته ؟؟؟؟ يمكن اصدقها رغم ما اكون مقتنع فيها اذا مثلا هو اشتراها بفلوسه الخاصه وخذ منه العموله بس والله بعد ما تركب فهني نتكلم عن النقطه السادسه وهي السيارات المضوروبه والغرقانه وقبل الانتقال اقول الفحص ثم الفحص ثم الفحص
السادسه : تعظيم سلام وتحيه شرف لكل تاجر امين يخاف الله ولا يرضى لعياله درهم حرام والدنيا والله مش مستاهله وكم وجدت والله العظيم امام ام عيني انتشار هذا النوع في امريكا ومن تجار معارضهم معروفه فالبلاد منهم من يصارحك بان السياره مدعومه ومنهم لا دمه له ولاضمير طبعا سوق السيارات المصدومه او السالفج يدخل ذهب وحلو لو واحد بيشتري سياره بنص ثمنها ويصلحها بنفسه ويكون عارف شوفيها وشو مافيها وهذا الي يحصل لما تحصل سياره سعرها فالسوق ممثلا 150 وتاجر يقولك ب 120 وهي طالعه عليه مع التصليح فحدود 75 وهذا الي قمت اسويه اني اشتري من المزادات المباشره للسيارات المضوربه واعرضها اون لاين فالمواقع الي تصدر للخارج لا تصليح ولا عوار راس جمرك وغيره لكن ذكرتها للعلم واكرر الي حاب يشتغل في هذا المجال ان يتقى الله ولا يغش عيال الناس وبالعكس اكثر الشباب الي يدورون مايهمهم اذا السياره فيها لو ضربه خفيفه
السابعه : كيفيه معرفه التاجر الصادق من غيره اول كلمه ولا تعور راسك وياه اساله عن رقم الشاصي وادخل الكارفس وشيك ع السياره وفي شباب عندهم الخدمه واسعارهم طيبه هذا بالنسبه اذا السياره كانت فالبلاد طيب لو مثلا بتطلب سياره من امريكا من المواقع لازم تنتبه جيدا انه ما يغشك ويعطيك رقم شاصي سياره غير المعروضه عندك واستوت لواحد من الشباب ولين يومك محاكم وعوار راس
الثامنه بالنسبه لشحن السياره بعض الشباب لهم حق يخافون وخاصه اذا اول مره يتعامل معاك يقولك مثلا السياره الفلانيه عايبتني ولنفترض سعرها 20 الف دولار وتقوله مثلا شحنها فالكونينر بيطلع الصغير 2000 دولار والجمرك حول 5000 درهم وعمولتي 2000 درهم
الحين السعر ثابيت في كل شي تقوله بس بعد لازم تدفع مثلا 800 دولا ر شحن داخلي يقولك ليش انت ما قلتلي من اول ويعور راسك فمواضعيك يحسسك انك جذاب او تبى اطلع فلوس من وراه بطرق ملتويه ...مرات الشحن الداخلي يطوف ا1000 دولار في بعض الولايات ما يكون فيها شحن فلازم ايبها الين عندي تكون بين ولايتي والولايه الي فيها السياره ما يقارب من 2500 مايل فيجب مراعاه هذه النقطه كذلك
الثامنه : طريقه الشحن واسمحولي شباب اتكلم من وجه نظري يعني الحين ايك واحد طالب سياره فوق 40000 دولار ويستخسر يحط السياره فكونتير يقولك اشحنها رورو يعني فوق السفينه الحينه يت ع 1500 دولار الزياده يعني والحين شتاء وبرد وثلوج وغيره مع التنزيل والترفيع تنشحف من كل صوب فاعتبرها من السلبيات الي يقعون فيها كثير من الشيباب
التاسعه :من نظري عند شحن السياره اطلب من التاجر ان يشحنها لك مع سيارات اخرى للشحن فبيكون عليك الشحن ارخص بوايد من انك تشحنها بروحك
عاشرا مساله الجمارك بعض التجار يقولك مثلا السياره 20000 دولار يسويلك فاتوره 15000 دولار عشان يقل الجمرك عليك فاقول لهم يحشر التاجر الامين مع الصديقين والشهداء والصالحين
الحادي عشر : ماهي افضل المواقع للشراء وتكون مضمونه لو حاب اشتري من غير ما ارجع للتجار فاقول افضل موقع وتقيمهم يكون فوق المممتاز للسياره هو ebay صح السيارات تكون غاليه بس تكون مضمونه وااشوفه يصلح للي يدورون سياره للاستخدام
اتمنى اني اكون افدتكم ولي يشوف انه استفاد من الموضوع ان لا ينساني بدعوه في ظهر الغيب ولو كان في خطأ او اضافه فاتمنى من اخواني التجار يبينونه لتعم الفائده ويستفيد الجميع واي سؤال اواستفسار انا حاضر
وجزاكم الله خير اخواني وااسف للاطاله
بقلم مغترب اماراتي

الموضوع الأصلي: ملخص الشراء من المواقع الامريكيه للسيارات || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lgow hgavhx lk hgl,hru hghlvd;di ggsdhvhj