اول شي ابارك:SnipeR (23): لصاحبي اشترى وحدة كروزه 2011 قبل ايام
صراحتن السيارة ماشاء الله تبارك الله صلاتي علي النبي .( عشان لايصير فيها شي بس وبرضو انتو قولو ماشاء الله تعرفو العين حق:SnipeR (44): هههههه).
المهم نخوش في الهرجة السيارة من جوه لما دخلتها تقول كأني راكب طيارة ( هههههه ماشاء الله ) احس انه الاكسسورات ماراح يتغير شكلها الا بعد عشرين سنة من الاستخدام بصراحة أن اهنئ تويوتا علي هذه الصناعة الجيدة (لحد يقلي انتا من الشركة) وثاني شي اشكر الوكيل ( العم والسيد جميل ) علي اختيار وانتقاء المواصفات الملائمة لنا وعلي حرصة التام علي جلب أفضل وأرقى المواصفات ....*_^ هاه دحين جينا في الأسعار وما أدرائكم الأسعار ... جدي الله يرحمه كان يقلي ياولدي اذا كان الشي اللي اشتريته كويس وثمنه فيله وعاجبك 100% ماعليك من سعره
فقلت لو كثر منها ههههههههه الزبدة ( أسعارك يبو جميل جدا غالية وكل شي أنا معاك فيلوو إلا الاسعار ) المفروض يكون هناك توضيح لارتفاع الاسعار يبو جميل حتى لو بالكذب ( يعني قول والله المسجل الحديد حقو ارتفع سعره وارتفع سعر السيارة وهكذا تمشي أما من الباب للطاقة ترفع السعر ولا فجاءة تزود خمسة الاف مايجي يهوو ) بس برضه السيارة اللي شفتها صلاتي علي النبي عمتني
هاه كيف يشباب ...(()) انا لما انتقد انتقد ماعندي رحمة ههههه
عارف اني طولت عليكم بس ايش اسوي عجبتني سيارة صاحبي الله يرزقني وحده زيها يارب قولو امين وياريت تدوني نصائحكم في السيارة الجديدة علشان صاحب السيارة يستفيد وهو جالس جمبي دحين ..
09-11-2011, 12:43 PM
العرض العادي
