حصري تغيير بوري الكامري 2012

حصري تغيير بوري الكامري 2012

بسم الله الرحمن الرحيم

السلام عليكم و رحمة الله و بركاته

مساكم الله بالخير جميعاً

اليوم جايبن لكم تقرير تغيير بوري الكامري 2012

طبعاً غيرت البوري لأني تعودت على بوري الامريكي يحسسك انك فخم هههه

فقلت خلن اخذ بوري .. بعد تجول مابين الجميح و تويوتا لقيت ان بوري الافالون ارخص

اجل بوري ابيكا 2005 بـ309 ريال بعد الخصم !!

بوري كابرس بـ455 بعد الخصم !!

قلت بس ياولد مايحتاج تغير بوري

المراد و يطلع لي اثنين .. واحد يمين و الثاني يسار .. واحد يقول غير البوري و الثاني يقول لا

المهم كنت راجع من الدوام و انا جاي مع الملك فهد دخلت يمين لطريق الامام الا و ذيك وكالة تويوتا يسار .. وقفت عند الاشاره و اول ماولعت خضراء دقيت بوري و بالاخير اخذ يوتيرن للوكاله و اخذت بوري افالون 2010

طبعاً التقرير ذا كله برعاية هالمشروب الأطلق




صوره للفاتوره بأرقام القطع



وهذي الاسعار قبل و بعد الخصم





طبعاً نبدأ العمل

بعد مانفتح الكبوت نلقي نظرهـ اوليه



همن نلقي نظرهـ على البوري



نبدأ نفك البوري لجهة اليمين طبعاً و نسخدم مفتاح 12 كما هو بالصوره





طبعاً هالحركه على العالي و الواطي كلهن

عقب مانفك المسمار .. انتبهو لاتصيرون مثلي بغيت اجيب العيد

انتبهت ان فيه واير ماسك فيه و بغيت اسحبه .. احاول اسحب على فوق اشوف فيه شي يشد من تحت و يوم ناظرت الا و الواير يقول لي وين يبو افصلن قبل

صوره للواير



المهم ثم ناخذ البوري حق الافالون و نركبه

هذ صوره للبوري ( جهه وحده لأني بطلعة الروح لقيت الثانيه )



وهذا طبعاً البوري كامل بعد التركيب



و اخيراً

يعلم الله اني شاريه منذو مبطي لكن الكسل و العجز خلان اركبه متأخر .. و النسيان بعد له دور كذلك

هذي صوره لتاريخ الفاتوره



فترة العمل : تقريباً مابين نص ساعه الى 40 دقيقه .. اكيد بتقولون ليش .. ابقول لكم ياطويلين العمر اني لقيت الواطي بس .. بينما العالي قعدت احوس عليه احوس عليه احوس عليه و اخرتها و بعد عناء لقيته بالدرج .. المشكله اني مرتين فتحت الدرج ادور و القى كرتون و احطه على المرتبه ادور و ارجعه .. قمه في الذكاء

طبعاً كنت بركبه عند محلات الزينه اليوم الصبح .. لكن اللي يقول 40 و اللي يقول 50 .. اكتشفت بالاخير انهم بياخذون البوري و بيركبون واحد من عندهم لأني جيت لواحد قلت له بركب بوري قال 50 ريال قلت البوري معي قال اجل 40 ريال شغل يد

و بصراحه .. اشوف ان 20 ريال حقها و بزياده بعد .. الشغله بسيطه ماتحتاج كل هالمبلغ .. والله لو هو بيصنع لي البوري


و ترقبوا التقرير القادم بإذن الله بيكون حصري فقط فقط فقط على تويوتا العربيه


ختاماً : التقرير اهداء للجميع بلا استثناء و اخص بالذكر تاركان .. لأنه تحملني بسبب الرسايل اللي ارسلها له


ملاحظه : كان بودي انزل الفيديو لكن للأسف رفض يرفع على اليوتيوب ماعرفت له .. فاللي له خبره يعلمني وش الطريقه الصحيحه علشان يتم اضافة ملف الفيديو

اخيراً : رطب لسانك بـ سبحان الله و بحمدهـ سبحان الله العظيم

الموضوع الأصلي: حصري تغيير بوري الكامري 2012 || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

pwvd jyddv f,vd hg;hlvd 2012