تـجـربـتـي الـشـخـصـيـه للــكـمـارو ss

[عاشق الجيب]

تـجـربـتـي الـشـخـصـيـه للــكـمـارو ss

السلام عليكمـ

اول شي بصفه ان هذا اول موضوع لي في هذا المنتدى و ثاني مشاركه احب اهني نفسي اني اكون احد اعضاء هذا المنتدى الرائع و بين اخواني الاعضاء مع العلم اني متابع للمنتدى من فتره طويله لاكن ما كتب الله اني اشارك وانشاء الله ان هذا الموضوع يكون فاتحه خير

احب انقل لكم اليوم تجربتي الشخصيه للكمارو SS 2010 و انشاء الله بتكون تجربتي منصفه ونشاء وبدون اي تحيز

طبعا السياره حاليا معي من 7 اشهر و السياره حاليا ماشيه 15 الف كيلو و طبعا السياره تومتيك

انا بصراحه امتلكت قبل هذي السياره سياره كرايزلر 300c فئه الـ SRT وكانت معي مده سنتين وموديلها2007 و بصفه ان كل السيارتين رياضيه احب اني اقارن بينهم بصفتي امتلكتهم الثنتين

دايم نسمع عن سوء جوده السياره الامريكيه و اصوات الديكور وو الخ من هذا الكلام

بصراحه هذا الشي ما وجدته في الكرايزلر قد ما وجدته بالكمارو يعني ما اخفيكم الكمارو بلاستيك في بلاستيك لدرجه ان الاصوات من كل جهه !!! وكان السياره لها 3 سنين مو 7 اشهر!!

بصراحه فرق السماء عن الارض بين الكرايزلر و الكمارو في الجوده

من ناحيه الاداء كل السيارتين متقاربتين من ناحيه الاداء لاكن الصوت الرياضي يصب من ناحيه الكرايزلر

و العزل الصوتي في الكرايزلر افضل !!

و التماسك في الكرايزلر افضل !!

والله يا اخوان والله والله اني مصدوم من الكمارو يعني عزل غير جيد جوده سيئه تماسك متوسط!

والله انا مستغرب من شركه كبيره مثل شفروليه بهذا الشي

والمشكله سعرها المبالغ فيه انا شريت السياره بمبالغ 180 الف و التقنيه الي فيها صفر وقلنا معليه لاكن اتفاجئ ان الجوده معدومه !! وغير كذا اسعار قطع غيار عاليه و قطع غير متوفره عند الوكيل مع ان الوكاله الي مشتري منها هي العيسى !!! لان الجميح عندنا سيئ فتجهت للعيسى ومع ذالك نفس المشاكل لا قطع متوفر واسعار مجنونه !!

على سبيل المثال الفحمات اذا جيت اطلبها استلم القطعه بعد يوم لعدم توفرها بالفرع !! مع اني اتعامل مع الفرع الرئيسي و اغلب القطع مثل المساعد و غيره غير متوفره الا في الامارات و طلب توصل خلال اسبوع !! وهذا الكلام انا متاكد منه 100% يعني صراحه الواحد يتحسف انه يشتري هذي السياره

مع العلم انا مو راعي سرعه ولا مقاومات و لا احرك السياره كثير و محافظ عليها مع ذالك ما توقعت هذا الشي و الشي هذا حاصل مع ناس غيري من اصحاب هذي السياره

نصيحتي للجميع الي ناوي على كوبيه يتجه للموستنق وخصوصا موديل 2011 افضل من كل النواحي وخصوصا الجوده الي تفتقر لها الكمارو

هذي تجربتي وبدون اي تحيز والله على ما اقول شهيد

اي استفسار يا اخواني انا حاضر

و اتمنى ان الجميع يستفيد من الموضوع

تحياتيــ لكمـ

الموضوع الأصلي : <font color="" size="1" face="tahoma">تـجـربـتـي الـشـخـصـيـه للــكـمـارو SS<font color="" size="1"> - المصدر : منتدى الخليج للسيارات - الكاتب : <font color="" size="1" face="tahoma">M-S-R

الموضوع الأصلي: تـجـربـتـي الـشـخـصـيـه للــكـمـارو ss || الكاتب: عاشق الجيب || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

jJ[JvfJjJd hgJaJoJwJdJi ggJJ;JlJhv, ss