صار لي موقف *بسيارتي السابقة فورتشنر 2009 vx * رحت الصباح لمحل ابوهنود وكنت مستعجل عندي تقريبا ساعة وقت فراغ *قلت أغير فيها الزيت نزل ابو الشباب وفك الزيت .. وبعد انتظار لين صبت آخر قطرة ...
*من فضل ربي جاء صاحبه يركب الصرة .. إلا يركبها ويطلع من الحفرة ووجهه مصفر من الروعة وأنا أوزع له إبتسامات مدري وش السالفة *
قال لي صديق *مشكلة كبير *قلت وش فييييييه إخلص ؟!؟! *قال صديقي فك صرة القير ونزل زيت القير بدل ماينزل زيت المكينة .. يوم قال لي طقتني الصيحة:tinysmile_eyebrow_t .
هاه وش تقول حسبي الله عليكم جايبين واحد يتعلم ع سياراتنا غلطتي أنا إلي عطيتكم ثقة *وأنتم من جنبها .. قلت يا ابن اللذين رح جب زيت أصلي حق القير من الوكالة ياويلك لو تجيب زيت أبو رفسة .. المهم الرجال نقز بدبابه وبعد انتظار جاك ووجهه مغبر من شكمان الدباب وفرحان خذ صديق هذا زيت قير .. قلت زين يالله صبه في القير خله يوديني الوكالة أغيره عندهم .. الرجال نزل تحت واختفى ثم طلع فوق ويقلب عيونه ماش قام يحوس إستعان بصديق .. كل الحيل مانفعت .. ماعرف يصب الزيت في القير .. وأنا أتشت حرارتي... * تأخرت ع الدوام والقير نزلوا زيته وماعرفوا يرجعونه ... *والحالة صعبة المهم أتصلوا ع مديرهم منهم وفيهم يوم جاء قال ولا يهمك الي تبي بيصير .. قلت الله لايهينك جب سطحة وودوه الوكالة وغيروا الزيت هناك ع حسااااابكم .. مرمطتوني .. قال أوكي وبنحملها العامل نخصمها من راتبه قلت بكيفكم تتصالحون *.. واتصلت ع سطحة وركبوا السيارة وعطول وكالة ابوجميل .. يوم شافني الإستقبال ضحك وقال الله من واحد جانا مثلك ..*المهم دخلنا السيارة وغيروا الزيت والفلتر بعد ..
وكلف مع السطحة 800 ريال .. ودفعها مديرهم .. رجعت لهم من بكرة وناديت العامل قلت خذ 300 ريال من عندي والباقي تحمله عشان تفتح عيونك زين .. ومثل مامرمطتني وأخرتني ع عملي ...*
الزبدة لما تغير زيت رح لواحد فاهم وان حصل تنزل معه الحفرة أزين ..*
وسلامتكم ...*
*
05-19-2012, 08:00 PM
المواضيع المتشابهه
العرض الشجري
