طريقة تغير زيت القير cvt للالتيما 2008 وفوق + ينفع للماكس ايضا

طريقة تغير زيت القير cvt للالتيما 2008 وفوق + ينفع للماكس ايضا

السلام عليكم ورحنة الله وبركاتة

اخباركم نيسان بويز

حصلت طريقة تغير زيت القير بمنتدى اجنبي وحبيت اجيب الطريقة منقول طبعا بس ترجمت الخطوات للفائدة :dhh:

العدة المطلوبة

مفتاح الين مقاس 10 mm + زرادية
هوز طوله نص متر وقطر الفتحه 1 انش
علبة واحد لتر زيت فاضية او جيك تانج فاضي خخخ وتأشر على 1 لتر ووعاء ثاني كبير حق الزيت القديم
سكروب عادي
محقان لتعئبة الزيت oil funnel

وزيت القير طبعا واحد من الاعضاء ذكر لي ان سعر الجالون ب 230

الجالون فيه 4 لتر



طريقة تشييك زيت القير
شغل السيارة وخذ لفة خفيفة لمدة 10 دقايق بعدين وقف السيارة وعشق التعشيقات كلها P R N D ورجعه على P
وخلي السيارة شغالة واسحب معيار الزيت وشوف المستوى واللون ورجعه (طبعا التعئبة من نفس مكان المعيار)



طفي السيارة واسحب المعيار حق الزيت وجيب الوعاء الكبير عشان الزيت القديم
استخدم الين وافتح صرة الزيت الصرة مو مشدوشة بقوه طبعا عشان فيه صوفة واثناء التركيب لا تشد بقوه عشان لا تنقطع



خلي الزيت ينزل وياخذ راحته لمدة تقريبا 15 دقيقة



بعد ما نزل الزيت كله رجع الصرة مكانها طبعا لا تشد عليها بقوة

والحين استخدم العلبة الفاضية 1 لتر واحسب كمية الزيت القديم



الحين جينا للصعوبة شوي هع

فك الكور او الغطا اللي حول الكفر اللي في جهة السواق استخدم سكروب عادي عشان فك الكلبسات وانتبه لا تتكسر

شوف الصورة الجاية



هذي العلبة اللي بين الرديتر والقير عشان تبريد القير فتحه دخول وفتحه خروج
فك الهوز اللي يدخل من الرديتر للقير المأشر بالصورة فوق استخدم استخدم الزرادية عشان فك الهوز



جيب العلبة الفاضية او الجيك وجيب الهوز اللي عندك اللي طوله نص متر ودخله في الهوز اللي فكيته من العلبة كأنك تسوي توصيله عشان لا تعبي المكان زيت :dhh:

الحين خلي احد من اصدقائك او اي احد قريب منك وخليه شغل السيارة
طبعا بينزل زيت من الرديتر حق القير للعلبة اول ما يوصل الزيت لواحد لتر طفي السيارة (عشان نحسب كم لتر نزيد بدال اللي نزلناه من الرديتر )



الحين بدال الزيت اللي نزلته من الرديتر تجيب زيت جديد وتعبي مكانه واحد لتر

وتكركر العملية اللي قبل تنزل الزيت القديم الباقي من الرديتر لين ما ينزل زيت جديد عشان نتأكد ان الزيت تغير بالكامل

وبكذا انتهينا من تغير الزيت الحين رجب الهوز مكانه لا تركب الكور او الغطاء اللي حول الكفر

شغل السيارة وخذ لفه لفتين وارجع شيك من تحت للتأكد ان ما فيه تهريب وعشق كل تعشيقه P R N D

شيك مستوى زيت القير الحين اذا فيه زياده نزله من العلبة للي واصله بين الرديتر اذا ما في زياده انت ممتاز خخخ

الحين ركب الكور

وخلاص الحين مبروك عليك تغير الزيت

ارجو ان تعم الفائدة للجميع

واي استفسار انا جاهز

الموضوع الأصلي: طريقة تغير زيت القير cvt للالتيما 2008 وفوق + ينفع للماكس ايضا || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

'vdrm jydv .dj hgrdv cvt gghgjdlh 2008 ,t,r + dktu gglh;s hdqh