الله يبعد عنكم الشر صار لي حادث مع تنكر مويه حجم كبير قبل فتره لما كنت احاول ادخل مسار ثاني بطريق مزدحم وهو كان واقف ينتظر تحرك السيارات زيي ولما تحركت السيارات شفته ماتحرك وانا مولع لمبة الانعطاف ففكرته عاطني مجال حتى ادخل فلما بدأت بالانعطاف تحرك ابو هنود وخبطني وقال ماشفتك
تعور عندي في الحادث الصدام الامامي من جهة السايق (خدوش) والرفرف يسار (طعجه)، واللمبه اليسرى ( خدوش بسيطه جداً وماتبان إلا لما تدقق وخشت اللمبة جوى شوي)، والجنط انشطح منه شي بسيط مايبين إلا لما تدقق عليها، وطبعاً الاصطب انفك عن الرفرف والصدام انفك عنهم بعد
التأمين طلبوا مني 3000 ريال مبلغ تحمل
فرحت الوكاله قالوا لي نصلحها ب 7500 ريال ونبدل اللمبه والرفرف، واذا تبي الجنط معاه يطلع عليك 13000 ريال تقريباً
نصحوني بعض الاخوه بمحل تصليح شغل مضبوط وغير مكلف، فرحت له وصلحت وماكلفني غير 400 ريال وفعلاً شغل نضيف وافضل من شغل وكاله
لكن المشكله الي طلعت عندي انه لما صار الحادث تأثر الجانب الايمن من الصدام بالحادث وصار في شرخ بسيط (سنتنترات)غير ملاحظ لكن لما فكوا الصدام حق التصليح زاد الشرخ وصار واضح لأنه وصل الى الطرف الفاصل بين الصدام والرفرف وانفتح
فأبقيت السياره عندهم وللتو راجع وقالوا لي نحط له صمغ لاصق ونصبغه لك
لكني خايف ان الشغل مايطلع مضبوط
فسؤالي لأهل الخبره اذا عندهم نصايح او اقتراح للمشكله
وابي استفسر عن سعر الصدام وهل لو بغيت ابدله لازم اخذ معاه سنسرات جديدة ولا ممكن اركب السنسرات الحاليه لأنها سليمه والحادث ماصادها بالاساس مع العلم ان سيارات Sr
اتمنى احصل اجابات بأسرع وقت
وشاكر لكم مساعدتكم
توضيح للاماكن الي تضررت في الحادث الاصلي ولكن دون شروخ او كسور
اهمها
صوره توضح منطقة الشرخ الجهة الثانيه (يمين) بعد الحادث ومالاحظتها إلا بعد اسابيع من الحادث
صور توضح منطقة الشرخ بعد تصليح الحادث الاصلي وشلون تطورت الى ان وصل الشرخ الى الطرف الفاصل بين الصدام والرفرف
05-03-2011, 08:10 PM
المواضيع المتشابهه
العرض العادي
