السلام عليكم ورحمة الله وبركاته
عندي xa موديل 2006 قير اوتوماتيك ماشية 88000الف كيلو , اشغلها وهي باردة واشغل المكيف وتبريده ثلاجة , واذا مشيت مشوار ووقفت ورجعت القير لل N وبعدين رجعته على ال D مايبدل القير من الاول للثاني ويجلس يحن عالاول والمكيف يقلب هواء حااااار ولمبة ال تشيك انجن شغالة , واحيانا تطفى السيارة ومرات يرتفع الريس على 2 وانا واقف , واذا طفيت الموتر لمدة دقيقة او دقيقتين وشغلتها تبدل طبيعي والمكيف يرجع يبرد ,وديتها فحص كمبيوتر قالوا لي حساس زيت المكينة يبي له تغيير وتطفى لمبة التشك انجن لكن حتى لو غيرته مابيزبط القير والقير يبي له توضيب , ويكلفك التوضيب 10000 ريال ,قلت لهم وشرحت لهم ان الموتر اذا بدل يرجع طبيعي كانه مافية علة , قالوا روح ودها الوكالة هم ابخص .
دخلتها الوكالة وشرحت لهم المشكله قالوا لي بعد يومين نتصل فيك ونقولك وش المشكلة..........كلمي المهندس بعد يومين وقالي سيارتك بتكلفك 34000ريال قلت ليييييييييييييه ترا موتري لو ابيعة ما جاب ال20000 ريال وش بتسون ب34000الف بتصنعونها من جديد؟ قال انا انصحك انك تصلحها برا الوكالة ارخص لك .قلت له وش المشكلة الي تبي 34000ريال؟
قال القير يبي له تغيير بالكااااامل :tinysmile_cry_t2:والمكيف يبي له فك طبلون وتغيير الثلاجة وتغيير الكمبروسر وووووو.......
انا توقعت انه الكمبيوتر او اعادة برمجة لاني احس ان المشكلة كهرب مع ان فحص الكمبيوتر يقول ان الكهرب سليم
لان الي فك مخي:confused::confused::SnipeR (1):ان القير اذا جته الحالة يتضامن معه المكيف ويقلب هواء حار ومرات تطفى السيارة واناشرحت هالكلام لمهندس الوكالة وقال مشكلة القير مالها اي دخل بالمكيف .
ملاحظة/غيرت زيت القير والفلتر قبل سنة على صيانة ال60000الف
تكفووون تكفووووووووووووون الي عنده حل يسعفني فيه
09-18-2011, 09:53 AM
العرض العادي
