الجواب النهائي للناس اللي عايزه تشتري الاسبيرانزا 113

الجواب النهائي للناس اللي عايزه تشتري الاسبيرانزا 113

لاحظت تضارب الآراء على العربيه الاسبرانزا A113
ناس كتير بتتكلم بدون علم واخرين بيحكوا تجارب ناس تعرفهم واخرين سمعوا كلام وبيرددوه وخلاص

وبالتالى يحدث تشتت للمقبل على الشراء او اللى معاه عربيه بيحصل انه بيوسوس منها وبيتلككلها على اى عيب
فقررت اعمل موضوع شامل ان شاء الله يرد على كل الاسئله .

ملحوظه : أنا معايا العربيه موديل 2009 تقفيل مصرى للاسف وعامله 11500 كيلو تقريبا ومش معنى دا دفاعى او هجومى على العربيه كلامى هيكون عن تجربه وخبره فى التعامل مع العربيه بدون تحيز او هجوم.

موضوعى ينقسم للتالى :

1- مواصفات العربيه
2- صور العربيه
3-سعر العربيه
4- مميزات العربيه
5- العيوب المشتركه للعربيه
6- عيوب فرديه للعربيه (خاصه بعربيه بعينها)
7- نصائح
8- التوكيل
9- رأى الشخصى
10- تجارب شخصيه

نبدأ بسم الله

1- مواصفات العربيه وصورها
المواصفات الفنية

المحرك
نوع المحرك 16 صباب -كامة مزدوجة
السعة اللترية 1300 cc
أقصى قوة (حصان/عدد الدورات ) 87/6000
العزم الأقصى (كجم.متر/دورة ) 118/3800
نسبة الانضغاط 9.5 - 10
نظام ضخ الوقود حقن الكترونى mp injection
ناقل الحركة 5 سرعات عادة

نظام الفرامل
الأمام Disk
الخلفى Drum


الأبعاد ( مم )
الطول 3700
العرض 1578
الارتفاع 1527

السعة والأوزان
وزن السيارة فارغة 981 كجم
الوزن الكلى 1356 كجم
عدد الأشخاص 5
سعة خزان الوقود 48 لتر
نصف قطر الدوران 4.7 متر

الأداء
السرعة القصوى 164 كم/ساعة

الاطارات
مقاس الاطارات r14 60/175

الوقود
نوع الوقود 92

التجهيزات
عجلة قيادة آلية المؤازرة power steering
عجلة قيادة قابلة للتعديل
نظام فرامل مانع للانغلاق ABS
قفل مركزى للأبواب central door lock
تكييف فريون بفلتر لتنقية الهواء
زجاج كهربائى ( أمامى وخلفى )
مذيب صقيع للزجاج الخلفى
جنوط ألومنيوم سبور
اكصدامات بلون السيارة
شبكة أمامية من الكروم
مصابيح ضباب أمامية
عداد قياس عدد لفات الموتور RPM
ساعة رقمية
حامل أكواب
كراسى خلفية قابلة للطى
قفل حماية للأطفال
ذراعان لفتح الشنطة وغطاء البنزين من الداخل
راديو كاسيت + Mp3
4 سماعات
اريال مدمج


2-صور العربيه








http://speranza-egypt.com/

3- سعر العربيه

الاسعار مختلفه حسب المعرض بس المتوسط تقريبا 51000

4- مميزات العربيه

العربيه بصراحه واسعه وعاليه عن الارض ودى اهم حاجه نحتاجها فى مصر وكمان كمالياتها كويسه والتكييف بتاعها كويس وماتورها كويس وثباتها لو العربيه مليانه بالافراد بمشى بيها على 160 وثابته ولكن لو لوحدى 140 اخرى ومش وبكون قلقان منها الشنطه واسعه نسبيا بالنسبه للعربيات الهاتشباك اللى فى نفس فئتها



5- العيوب المشتركه للعربيه



ملحوظه: العيوب دى ظهرت لحد موديل 2009 ولا اعلم عيوب 2010 هل هى نفسها ولا مش موجوده:



* العيب الاساسى الذى ليس له حل حتى الان مع التوكيل وهو العفشه مقرفه جدااااا كل اسبوعين تقريبا احتاج اربط عفشه مع العلم ان طريقى اغلبه كويس ومفيش فيه تكسير كتير وكمان العفشه ناشفه مع المطبات تحس بيها .



* المساعدين الاماميين خاصة فيهم مشكله وهما ناشفين وبتحس بالمطبات وصوت تخبيط يعنى مش ناعمه خالص ومش بس كده بروح التوكيل يقولى انها حاجه عاديه ودا الطبيعى بتاع العربيه يعنى مش هتعرف تغيرهم تبع التوكيل.



* الكاوتش سئ جدااااا وفى الاغلب مع اقرب مطب يعمل بالونه فى الكاوتش وبيكون خطر انك تمشى عليه ولما رجعت للتوكيل قال انه لازم يتم ظبط الكاوتش على 32 ورا وقدام والضمان بتاع الكاوتش 1000 كيلو فقط ولكن بعد كده بيقولك سوء استخدام .



* الفتيس فى الاغلب بيكون فى عضه فى بعض الغيارات ودى بسيطه والتوكيل بيظبطها وفى عربيات مكنش فيها المشكله دى ولكن فى الاغلب بتبقى موجوده العضه دى فالفتيس.



الخلاصه:


يبقى نلخص العيوب المشتركه الموجوده تقريبا فى كل الموديل دا لحد 2009


العفشه ناشفه وتحتاج تربيط على طول والمساعدين الاماميين وغالبا معاهم مشكلة عضة الفتيس







6- عيوب فرديه للعربيه (خاصه بعربيه بعينها)



* ودى حظوظ يعنى مثلا فى ناس عندهم مشكله فى التكييف وفى ناس عندها مشكله فى الزجاج الكهربائى وناس مثلا عندها مشكله فى الكاسيت ودى مشاكل فرديه وليست موجوده فى كل العربيات بس مسألة حظوظ وبتحصل برضه المشاكل دى فى عربيات غير الصينى وكلنا تقريبا قابلنا نمازج لمعارف لينا عندهم مشكله زى كده فى عربيه غير صينى.



الخلاصه : متحطش المشاكل الفرديه دى فى دماغك .

باقى الموضوع فى المشاركه التاليه
7- نصائح :



العربيه بنسبة 85 % ممتازه جدااااا بس محتاجه بعض المصاريف بعض شرائها


يعنى مثلا لو نويت تشترى العربيه خللى فى بالك انك تغير المساعدين بتوعها بمساعدين تانيه ودى تكلفتها تقريبا على الاربع عجلات 1500 تقريبا .



* الفحوصات اللازمه عند الشراء


افتح الكبوت


و شوف كل السوائل الموجودة و مستواها


و ياتى مع السيارة


المثلث العاكس


و شنطة عدة


و استبن


و كوريك


و وصله usb للكاسيت


جرب التكييف والكاسيت والزجاج الكهربائى والمرايات الكهربائيه






8- التوكيل:




المعامله فى التوكيل أبو رواش والدقى كويسه ولكن فى مشاكل مش بيحلوها


زى العفشه اقصى حاجه انهم يربطوها وخلاص ملهاش حل جذرى عندهم ولو عندك مشكله فى حاجه كبيره لازم تروح وتهلل وتعمل مشكله عشان تاخد حقك لكن المشاكل البسيطه والصيانات الدوريه والكلام دا فهما كويسين فيه.




9- رايى الشخصى :



العربيه احسن عريبه فى فئة سعرها واكثرهم امكانيات واكبرهم حجما كمان ولكن يجب تغيير المساعدين حتى تكتمل العربيه وطبعا لا ننسى الاستخاره هيا الاساس فى الموضوع.




10- تجارب شخصيه



سافرت بالعربيه اكتر من مره وبوزن ثقيل جدا وكانت العربيه ما شاء الله ماشيه كويسه جدا وجبت بيها 160 على المحور وطبعا كانت ثابته ومع العلم كان الطريق مصر اسكندريه الزراعى يعنى طريق سئ للغايه بس كانت ممتاز ولا اشتكى الا من العفشه والمساعدين فقط.



أتمنى أن ااكون وفقت فى تقديم الموضوع وان يكون الموضوع مفيد للاخوه الجدد ولو كان فى تقصير فأعذرونى عليه واى سؤال استطيع ان اجوبكم عليه لن ابخل بالاجابه ان شاء الله



وبالتوفيق للجميع ولا تنسوا الاستخاره يا شباب

طبعا الموضوع منقول

الموضوع الأصلي: الجواب النهائي للناس اللي عايزه تشتري الاسبيرانزا 113 || الكاتب: twilight || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

hg[,hf hgkihzd ggkhs hggd uhd.i jajvd hghsfdvhk.h 113