نصائح لمستخدمى البروتون ساجا الجدد والتجربه بعد 40الف كم

نصائح لمستخدمى البروتون ساجا الجدد والتجربه بعد 40الف كم

السلام عليكم "

1 لو بتفكر تشترى بروتون ساجا انزل وقارن بينها وبين السيارات الاخرى (الشكل الخارجى -الشكل الداخلى - جوده الفرش - خامات التابلوه -قوه الموتور -الثبات -الكماليات - الامان الامان الامان وده تعمل ليه الف حساب )
الخلاصه حتلاقى احسن عربيه هيا البروتون ساجا ولو مش عجباك فى حاجه تانيه كويسه الداتشيا لوجان
خلاص اقتعنت بالعربيه فى مشكله تانيه فى موزع او بائع بروتون . حيعمل البدع عشان يخليك تشترى اى عربيه تانيه يكون بياخد فيها عموله اكبر انما بروتون فيها ملاليم
خلاص استخرت الله وربنا هداك ليها الحمد لله
2 وانت بتشترى حاول تفاصل وحاول تطلب فاتوره ضريبيه عشان بابا ( مفيش حد بيدى فاتوره بالسعر الرسمى انما الحركه دى حتنزل حوالى 500 الى 1000 انت اولى بيهم )
3 وانت بتستلم العربيه بتاخد معها استيبن - شنطه عده - كوريك - اغطيه لقلب الجنط 2 مفتاح ريموت واحد فيهم معاه رقم حافظ عليه - طقم دوسات كتالوج للخدمه كتالوج مستخدم كتالوج للكاسيت الاريال فى شنطه لوحده -محضر استلام للعربيه وشهاده الافرج او يبعت حد معاك المرور يخلص كل حاجه )
4 الاستلام يكون فى عز الشمس راجع على دهان السياره بالكامل الاكصدام المريا الابواب الشنطه الكبوت حوض السياره . اهم حاجه بص على العتب من اسفل السياره دة بيعرفك العربيه اترفعت بكوريك تمساح ولا لا بمعنى لو لاقيت ثنى فى عتب السياره ده معناه على اقل تقدير ان العربيه الكاوتش اتخرم واتعمل مثلا كله تمام الحمد لله افتح العربيه قول بسم الله الرحمن الرحيم وتوكل على الله ودور وامشى على اول محطه بنزين وحط بنزين 95 وفول التنك لحد ثالث فصله عشان تنضف بنزين80 الى بيحطوه فى المعرض . وليه تالت فاصله عشان متوقعش بنزين على دهان السياره
5 مراحل الترخيص مش فاكر قوى بس التعامل مع الحكومه النظيفه سهل وسلس
6 اشترى ماده (الديفكون) الماده المزدوجه للصق المعدن خلط المادتان على بعض واغمر الجزء المعدنى للاريال وركبه على اخره بمتهى القوة ( حاسب عشان متوقعش حاجه على سقف العربيه ) وده ابقى قابلنى لو الحرامى عرف يفكه
7 اشترى غطاء ووتر بروف مبطن ( وده بسمك حوالى 3 مم ) طبعا تحمى العربيه على الاقل فى الاول من الشمس والبهايم الى معها مفك ومفتاح وعامله فراعنه وبتكتب على عربيات الناس
8 شيل الدوسات الى جايه مع العربيه فى البيت وهات دوسات لها حواف ( شفه مرتفعه ) بتحافظ على التراب داخل الدواسه
9 العربيه جاى معها كوريك لرفع السياره من اربع اتجهات يمن وشمال امام وخلف ولهم مكان مخصص وده بيحافظ على جسم السياره من اسفل كا الجديده وفى التوكيل بتترفع العربيه من الاربع اتجهات مره واحده لو ده محصلش بتكون مصيبه مستخبيه
مثال
بتاع الكاويتش بيرفع العربيه بكوريك تمساح بيبوظ شفه العربيه السفلى .. ولو انت فاهم حيرفع من المقص ويبوظ جلب المقص . ولو بيرفع من الشاسيه حيطبقه ويعمل فيه تشوه
الخلاص كوريك العربيه الى جاى معها احس حل بدون اى تلافيات
10 وانت بتغير فرده الكاوتش عن بتاع الكاوتش ركز فى الى جاى
خد علامه على جانب الجنط بطباشير او اى حاجه من عند البلف خد خط مستقيم على الكاوتش ده حيفيد بثبات الترصيص بتاع الفابريكه
وهو بيفك الكاوتش تحزره من تجريح الجنط ولما يرجع يركبه يركب الكاوتش مع علامه البلف والطابشير ولو حصل حاجه غير كده العجله حتعمل رفه
11 حاول تحط استيكرز اسود على كل الاكصدام وتحط عليه طبقه بنفس لون العربيه وده متاح ( الفضى -الاسود - الابيض ) عربيتى لونها احمر ومش لاقى الدرجه
12 علاج اخرم الكاوتش يكون باللاصق السريع او استخدام المكوه استخدام الخابور لا لعدم عمل فرق فى طبقات الكاوتش
13ابعد السياره قدر الامكان عن الشمس اول 6 اشهر من الانتاج لضمان جفاف اللون وثباته بدون تغيير
14 حاول لصق فاميه على الزجاج لو حضرتك ظابط عادى ولو حضرتك مش حط دارجه فاتحه من الفاميه وذاللك للمحافظه على لون الفرش
15 احتفظ بـ ورقه وقلم معك فى السياره واكتب كل ملحوظه عن اى مشكله وبلغ بيها وانت بتعمل صيانه الالف
16 غير زيت موبيل او شيل او فيسكو اى حاجه انت عاوزها بره التوكيل وده عادى ( انا بستعمل مصر فينكس)
17 اختم الضمان فى التوكيل فى اول زياره
18 بص على مستوى الزيت فى علبه الباور لو ناقص عن مستوى الماكس . العربيه فيها علبه دركسيون لازم تتغير ( الحل الوحيد والفورى كلم جهاز حمايه المستهلك وطالب برجوع العربيه الدنيا حتتقلب والعلبه حتتغير فى نفس اليوم ) اى حاجه غير كده حيغيروها بردو انما بعد اسبوع او اتين الله اعلم ولو اتبعت الطريق السلمى ممكن العلبه تخر زيت على جلب المقص وتبوظه المهم اعمل الحل الحربى وروح فرع الصحراوى ابو رواش
وقابل مهندس امر الكوافى او محمد عبد الهادى او داليا او مهندس طويل مش فاكر اسمه
المهم هما دول وبس الى تتكلم معاهم اى حد تانى فى الطراوه فعلا
خلصت النصايح الى محدش قلها ليا وشربتها واغلبها وقعت فيها الحمد لله
تجربتى مع العربيه دى بعد 40 الف كم
انا عبد الله الى ربنا بيحبه واهداه الخير . سياره تحترم الركاب فى كل شى امان جوده سرعه تقفيل ثبات الحمد لله لازم لازم بروتون تكون رقم واحد فى مصر بلا منازع محدش يزعل منى بس انا جربت كل حاجه ب4 عجلات تقريبا فى السوق لاقيت اودى فورد مرسيديس بى ام بيجو فولفو وبروتون السيارات دى بس الى بتحترم الركاب
عيوب البروتون عموما فى
الدعايه المعدومه تقريبا
استهلاك البنزين الى يساوى السيارات الاعلى 1300=1600 قولا وفعلا 1600=1800

الموضوع الأصلي: نصائح لمستخدمى البروتون ساجا الجدد والتجربه بعد 40الف كم || الكاتب: ندى العمر || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

kwhzp glsjo]ln hgfv,j,k sh[h hg[]] ,hgj[vfi fu] 40hgt ;l glsjo]ln hgfv,j,k hg[]] sh[h ,hgj[vfi

خطها لنا قلمكِ الجميل هنا

لقد كتبتِ وابدعتِ

كم كانت كلماتكِ رائعه في معانيها

دائمآ في صعود للقمه

موضوع في قمة الخيااال

طرحتى. فابدعتى

دمتى ودام عطائك

ودائما بأنتظار جديدك الشيق

لكى خالص .حبي وأشواقي

سلمت اناملك الذهبيه على ماخطته. لنا

كم انا سعيد وانا واقف هنا

اروي ناظري بحروفك المفعمه

بالاشياء الجميله

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم

أإسـ عٍ ـد الله أإأوٍقـآتَكُـم بكُـل خَ ـيرٍ

دآإئمـاَ تَـبهَـرٍوٍنآآ بَمَ ـوٍآضيعكـ

أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ

لك الشكر من كل قلبي

عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلبوب الذي
اتبعتيه ونهجتيه على نهجه
من النوع البسيط والسهل