صور بعد الــ 100 الف كل عام ومحبوبتي بخير :)

صور بعد الــ 100 الف كل عام ومحبوبتي بخير :)

حيا الله الاعضاء
اول شي ستايل مبااارك مع اني انلحست يوم شفته رحت اشوف الرابط نفس الاول ولا انا مضيع
بس تغيير حلو ومبروك التوزيع الجديد للسيارات ,,
ثاني شي والله للموقع والاعضاء وحشة من زمان عنكم على ان هذا اول موضوع لكن شوفتكم بس ترد الروح :SnipeR (87):
وان شاءالله نرجع بالمفيد للجميع ,,
,,

موضوعنا اليوم بعد اتمااااام سيارتي 100 الف كيلو
السيارة من يوم شريتها ماغيرت فيها إلا مساعدات امامية 4 سنوات فقط مساعدات
لا سيور ولا كفرات ولا شي يعني حللت قيمة الموتر ريال ريال :D
بعد الـ 100 الف قلت ياولد استح الموتر ماقصر معك خل نفزع له ,,
بدا معي النور واحترق لمبة الاصطب الايمن صلحتها بعدها بيومين بالظبط احترق الايسر
بعدها باسبوع احترق السكن هههههه شكل الموتر حاااقد :SnipeR (55):,, بعدها خفت من السيارة قلت خل نلحق
ورحت شريت سير مكينة وسير مكيف وبواجي كلها بــ 240 طبعا تويوتا عندها اختلاف في الاسعار
غير طبيعي :SnipeR (10): قبل عيد الاضحى مريتهم وسعرت الاغراض اللي فوق طلعت بـ 370 والحين 240
يعني فرق 130 ريال في الوكالة طبعا انا استغربت ورجعت اعيد الطلبات على الموظف وقالي نعم وهذا سعرها ,,
طبعا منطقيا قلت له عجل علينا يبو لاترفعون علينا الحين فأي واحد بيشتري يمرهم اكثر من مره ويختار الارخص ,,
المهم اخذت الاغراض وعلى طول على الورشة وركبها بــ 50 ريال
,,
بعدها قلت باقي الكفرات اييييه انا مجرب تويو حقت الوكالة لها 4 سنواات ههههه محللها تحليل ياشيخ
والحمد لله لا انصلاخ ولا مشاكل طبعا لازم تجي مره تلقى الكفر منسم شي طبيعي لكن في الفترة الاخيرة
صرت والله اخاف اسرع عليها لانها خلالاص انتهت بدت تحبل وفيها شقووق قلت مالها داعي منبشر
على الجسر المعلق واطلع ادور كفرات , صراحة رايح وبشتري تويو نفس الوكالة لاني مجربها
مع اني متوقع انه فيه افضل بس مابي اجرب جديد باخذ مضمون وقد جربته المهم حصلتها بـ 230
وضمان سنة واقترح علي اليماني قال عندنا جوديير نفس مقاس التويو بس الدعسة اعرض وضمان
5 سنوات وفرقها 5 ريال ,, طبعا انا من قبل كنت ابي اركب اعرض من التويو بس اكثر من محل قالي تحك ومدري ايش قلت ياولد اشتر راحتك ,,
وهذا خلاني اوافق على جوديير لانها نفس المقاس بس الدعسة اعرض
والضمان فتوكلت على الله وشريتها ,, جوديير الواحد بــ 235 عاد قلت خل نصور لكم المكروفة وهي تلبس الكفرات الجديدة ..,,


هنا بعد الخلع ,.,





وهنا الشيخ مدري وش يسوي الظاهر يرصص ,,





هنا بداية التلبيس ,,





خلاص انتهينا :SnipeR (60): كلمة قالتها وراحت




:SnipeR (68):

هنا تاريخ الكفر




3110

هذي دعسة التويو





وهذي دعسة جوديير







في الاخير بعد تجربة جوديير اشوفها في السرعات العالية 140- 150 صارت السيارة اهدى بس عيون القطط صار اكلها قوي شوي
في الاخير نعتذر عن الاطالة والسواليف لكن تحملونا شوي وان شاء الله استفدتوا من الموضوع
وشكراَ لكل من تصفح الموضوع وكل من لم يتصفح الموضوع ,, قايلكم سواليف :D
,,,,
اخوكم abdullah.s

الموضوع الأصلي: صور بعد الــ 100 الف كل عام ومحبوبتي بخير :) || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

w,v fu] hgJJ 100 hgt ;g uhl ,lpf,fjd fodv :)