بداية الموضوع احب انوه ان السيارة ماشاء الله ما هي زينة بس هي شيخة الزين فلذلك ماراح اذكر مميزاتها بل راح اركز على السلبيات القليلة اللي لقيتها فيها, قبل كذا انا كنت محتار بينها وبين لكزس ES من دون بانوراما ولا شاشة فوجدت ان الافالون تتفوق وتوكلت على الله وخذيتها والحمدلله مو ندمان ابد, الحين نجي للسلبيات بسم الله:
1- اللي قاهرني ورافع ضغطي هو عدم وجود صفط المرايا, يعني ماشاء الله كل هالفخامة ولا تنصفط المرايا كهرب :tinysmile_cry_t2: الحين الكورلا اسوح نوع من 2008 تنصفط كهرب , حتى واحد من اخوياي معه لكزس يوم ركب معي ودرى ان مافيه صفط مرايا قعد يضحك.
2- الخلفية وما ادراك مالخلفية, بالنسبة لي هي اسوأ ما فيها, طبعاٌ اتكلم عن انوار الاصطب اللي جاي زي لمبة سلك ملفوفة , مو عاجبتني ابد.
3- انوار الفرامل الخلفي ضعيفه جدا ومو ماشيه مع انوار الاصطب الخلفي اللي هي ليد وهنا تناقض عجيب تحس مع الفرامل انه موتر متواضع, شف السوناتا الفل كيف الخلفية وكيف لما يستخدم الفرامل تشوف النور صح.
4- واخيرا وليس اخرا هو التحكم بوضعية الدركسون كهرب زي الماكس وغيره, جربت الماكس مرة بالتست درايف وكيف الطارة تحركها كهرب ولما تطفي السيارة يرجع الدركسون ولما تشغل يتقدم تحس بالفخامة.
اخيرا هذي فقط السلبيات اللي لقيتها للحين يعني ماشاء الله بس اربع سلبيات وثانوية بعد يعني السيارة رووووووووووووعة من جد لا اله الا الله والحمدلله الي وفقني باقتناءها.
01-13-2011, 12:26 AM
المواضيع المتشابهه
العرض العادي
