قصتي مع الحرمة في مواقف مول الامارات .منو صارت له قصة مماثلة ...؟؟

[التاجر الاماراتى]

قصتي مع الحرمة في مواقف مول الامارات .منو صارت له قصة مماثلة ...؟؟

السلام عليكم ورحمة الله وبركاته ..

كيف الحال ..؟



موضوعي للمناقشة أرجو عدم اغلاقه



يا أخوان صار لي موقف ..:rofl:

لا احسد عليه ..


من كم يوم ..
كنت في مواقف مول الامارات ..كنت رايح أحمل سامان طالبنه من قبل
ويالله يالله نحصل مواقف ..
كان في موقف فاضي ..شفت في وحدة واقفة عنده
والسيارة اللي جنب الموقف الفاضي طلعت ..
قلت حلو ..انا موقف وهي موقف ..

دخلت الحرمة و وقفت في باركن ونص ..
نزلت وقلت لها ..يالطيبة ..لو سمحتي وقفي سيارتج فالموقف الخاص لج لأني أبي اوقف ..
قالت : سيارتي جديدة وأخاف عليها ..و خذت شنطتها ولا عبرتني ..
كان معاي نيسان 92 ..عليها مدعمية الوكالة ..
دعمت سيارتها وتبطل البمبر الخلفي وكسرت الليت وعفصت البودي شوي ..
دقيت لها هرن ..ما ردت ..

كتبت لها ورقة وحطيتها عالزجاج الأمامي .
كتبت : عفواً ..لكن سيارتي قديمة ما اخاف عليها ..
للتواصل : 999:rofl:

ومرت القضية بسلام ..

فاليوم الثاني ..وانا رايح للمزرعة ..
أشوف كل الليتات اللي عند العداد ولعت ..
ولا السيارة مبندة لا تلف ولا تمسك بريك :rofl:
دعمت الحاجز عالخفيف ..والجزء اللي انا دعمت فيه سيارتها ..تعور .. ..

يا سبحانك يا ربي




حد منكم صارت له قصة مماثلة يقول لنا عشان نستفيد من خطأه وما نكرر نفس الخطأ :rofl:

الموضوع الأصلي: قصتي مع الحرمة في مواقف مول الامارات .منو صارت له قصة مماثلة ...؟؟ || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

rwjd lu hgpvlm td l,hrt l,g hghlhvhj >lk, whvj gi rwm llhegm >>>??