ملينا من مشاكل النيسان

ملينا من مشاكل النيسان

السلام عليكم ورحمة الله وبركاته

ملاحظه : هذا الموضوع نفسه موجود في قسم الألتيما ..

اخواني موضوعي بكون واضح وصريح .. واعتذر من الحين لسوء اسلوبي .. او لكلامي الي بيكون جارح للبعض منكم .. كلكم على العين والراس ,..

اعتذر وبشده .. اعتبروها ردة فعل .. لان لكل فعل ردة فعل .

مشكلتنا ياشباب انو حنا نحترف فن القيادة ونحب نعدل ونضبط سياراتنا ولااكن فيما يتعلق بالوعي الحرفي فنحن ولللأسف (ماحولك احد)

اخواني قاعده : اي شيئ في الدنيا .. خلقه الله او صنعه انسان وجد لغرض معين .. ان استعمل بشكل صحيح .. يعيش معاك عمر .. وان سائت استعمالاته .. راح عليك

ولكل شيئ عمر ينتهي عنده ويتوقف ...حتى الانسان .. خلق ليعيش مراحل ثم ينتقل لجوار ربه

طيب بتقولون ان بعض السيارات تيجي من المصنع فيها عيوب

اوك انا معاكم ان هناك مشاكل مصنعية .. لكن معقول المشاكل المصنعية توقف السياره فجأة ؟؟

لا والف لا .. ولمعلومية الجميع .. سيارات السعودية الألتيما والماكس بالذات 2005 لغاية 2008 هي نفسها في الامارات ولا عمري شفت احد اشتكى منها . الا كم شخص بالوكاله .. وتم حل مشاكلهم .

وصدقوني ما اخذت التيما الا لاني فاهم شو يعني نيسان .. وعارف انها تتحمل وتعيش .. وفوق كل هذا 3 من الاصدقاء يملكون نيسان التيما ويمدحونها جدا .. ولا واحد منهم اشتكى ان القير راح عليه .. المكينة تحن .. مدري الكهربا شو فيها تدرون ليش ؟؟

ببساطه استعاملهم طبيعي لا مقاومات ولا تحفير ولا سرعات جنونية ولا تزويد ولا هم يحزنون

ليش الشعب العربي يجعل من كل شيئ نقمة .. ليش ما نسغله كنعمة انعم الله عليها بنا

السياره صنعت لتكون نعمة .. تروح مشوار .. توصلك لمحل معين . تساعد الاهل .. والكثير الكثيييييييير . تخيل ما عندك سياره وبهالحر بحاجه انك تروح لعيادة او مستشفى .. بتقول يا زينها يوم انت بحاجه لها .. تقول ياليت عندي تكسي .. او حتى دراجه

لكن للاسف كلنا نستعمل السياره على انها نقمة نلعن خيرها من اول 1000 كيلو .. على بالكم بتكون نشيطه .. كلام خرابيط كلام غير عاقل .. ابدا

اما المشاكل الي منشوفها اليوم هي مشاكل لسوء استعمال .. وعدم وعي .. يعني بالعربي اخطاء من اصحاب السيارات ..

طيب بسالكم كم سؤال !!!!

اولا : كم واحد فيكم خبط معاه القير ؟؟

ثانيا : كم واحد فيكم اشتكى وقال القير عندي يقربع .. ينتع .. ما يشتغل .. عالr او عال d وفي نتعه .. بالذات اصحاب الماكسيمات :go:

ثالثا : الطامة الكبرى كم الف موضوع يوجد بالمنتدى عن مشاكل السياره سواء قيرها . مكينتها . كهربتها

وغيرها الكثيييييييير من الاسئلة التي تدور في ذهني .. وبصراحه مليت من كل واحد او كل عضو \

يكتب موضوع يشتكي ويقول الحقوني دخيلكم القير عندي مدري شفيه .. القير عندي بودع ..

القير عندي فيه مشكلة .. افا يالنيسان .. وافا يالتيما ولا ياماكسيما .. سنتين والقير بدأ يخربط

الم تراودكم يوما ان مثل هالشكاوي الي كثرة جدا جدا في الأونة الاخيره ما هي الا عبارة عن نقطه

سلبية في عالم النيسان ..

العلم اني اعشق شيئ اسمه نيسان ..

والله لونة الماني وتجلدة يتعب وينهلك والي يقول كوري ماتتحمل للاسف مفهوم خاطي اذا انت تجلدها وفي جو حار ماتبيها تجاوب
حتي الانسان لين جلدتة تعب واي شي بهدينا تعطية جهد علي قلت سنع ينعدم
ارفق عليها الله يكون بعونك وان شالله مايجيها شي

بعض النصائح لعلى وعسى تفهمونها وتعرفو طريقة استعمال القير :

ما الذي يسبب ارتفاع حرارة الزيت

التحميل الثقيل وخاصة السحب
صعود الجبال، القيادة بسرعة عالية خاصة في الأيام الحارة،
مشاكل في التبريد مثل نقص سائل التبريد،
مشاكل في مروحة التبريد

وغيرها الكثير

أي من الزيوت يجب أن يستخدم؟

كل شركة توصي بنوع من معين من الزيت. لذا يجب أن يرجع إلى النوع الذي توصي به الشركة حيث أن استخدام زيت خاطئ قد يؤدي الى مشاكل لا تحمد عقباها .. وشفت مكينة نيسان مدمره مكسره تكسير من الداخل عند البساتن والسلندرات وغيرها ... والسبب اسعمال زيت خاطئ غير مناسب وتغيرها في محطه خارجية ...

الى هنا ينتهي موضوعي الي فعلا ما كتبته الا وانا مقهور منكم و عليكم يا اعضاء المنتدى .لسوء استعمالكم للسياره . .احمدو ربكم عندكم سيارات .. بعضكم ما عنده حتى سيكل ..

. وقلبي اسود من كثر ماا شوف الناس تشتكي .. وبالنهايه يطلع الحبيب هو السبب بسوء استخدامه وسوء تعامله مع السياره والقير

عباله راكب سيارة سباق

ياخي عبالك تسابق ليه شاري التيما ولا ماكسيما

الحين بتقولون ان السياره عزمها حلو .. ومدري ايش من الكلام الي زهقنا منه

طيب ياحبيبي لو تبي تسابق زيد فوق الألتيما كم من قرش وخذ لك زد ولا جي تي ار :doubt:

الله يهديكم .. ما اقدر اقول غير هالكلمتين .. لعلى وعسا ربي يستجب دعائي ويكبر هالعقول ولو قليلا

مابي احد يزعل لكن هذا الواقع .. وكثرة المواضيع اصبحت تقلقني .. كلنا في النهايه اخوه .. وانا اعتذر اشد الاعتذار من كل شخص ذكر بالموضوع او شعر ان الموضوع فيه تجريح له شخصيا

:super_man:

الموضوع الأصلي: ملينا من مشاكل النيسان || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lgdkh lk lah;g hgkdshk