مشكله في مكينه الاكورد v6

مشكله في مكينه الاكورد v6

السلام عليكم.
كيف الحال شباب عشاكم بخير
انا عندي اكورد 2003. سته سلندر
قبل يمكن اسبوع السياره طفت وانا امشي وقفت على جنب حاولت
اشغلها تشتغل بس ما تقبل دعسه المهم جبت سطحه وديتها اقرب مكانيكي
قام يقلب فيها ما عرف وش علتها قال ودها كهرباءي وديتها نفس خويه ما عرف
وصفلي على ورشه قال انه كان يشتغل في الوكاله وديتها له قال هاذي يبيلها برمجه
مالك الا توديها الرياض فرع خريص وجبت سطحه ووديتها الوكاله حطيتها عندهم
قعدت عندهم يومين ثم دقو علي قالي تعال
يوم رحت قالي السوداني هاذي مشكلتها مكينه لازم نفك الراس ب 2500
لاحضو السعر 2500 عشان يفك الراس بس من دون ما يصلح ( الله لا يوفقك يا هشوم )
ابوي يوم سمع السعر قام يطالع فوق قال للمهندس تراها هوندا مو مرسيدس . والله انه صادق
عاد انا قلت معصي واخذها منهم واوديها ورشه عندنا الحمدالله شغلهم نظيف وحقت واحد
من الجماعه المهم قعدت عندهم 3 ايام الفلبيني يحوس فيها ليل نهار
قال بفحص كل شي قبل ما افك المكينه
المهم فحص الكهرب كامل فحص كل شي لاكن من دون نتيجه وبعدها عاد فك الراس
وطلع كلام الوكاله صحيح يقول يبيلها توضيب الي فهمته ان البساتم مافيها شي بس
والله مدري وش اسمه الي يجي تحت الراس يجي شكله 3 فتحات جنب بعض يقول انه
ما ياخذ هوا او شي زي كذا قال بفك المكينه وبشوف البساتم فيها شي او لا
الكلام ذا البارح
اللحين قطع المكينه كم اسعارها يعني الي يبيله تغير يبي يكلف واجد ولا لا
تكفون الي له خبره لا يبخل علينا بالنصايح وش الاشياء الي احسن اغيرها
لاني فكيت المكينه مره وحده اغيرها على طريقي
بالنتطار رايكم . . . بالتوفيق شباب

الموضوع الأصلي: مشكله في مكينه الاكورد v6 || الكاتب: هوندا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

la;gi td l;dki hgh;,v]