شو الحل ويا هالنوعيه من الناس ..؟!

شو الحل ويا هالنوعيه من الناس ..؟!

بسم الله الرحمن الرحيم

يا اخوان انا بصراحه ضايق صدري من هالسالفة ..


السالفة انا لي فترة ادور سيارة للعزبة . لقيت واحد من الاخوان عارض سيارة

و سعرها معقول . يعني سعر استخدام مب سعر معرض . كلمت الشخص و قال لي

في واحد كلمني قبلك و جاي يشوف السيارة . واذا ماله نصيب بكلمك. قلت له الله يكتب خير

كلمني عقب نص ساعه قال الريال شكله مب جاد انت لك خاطر . قلت له ياخو شما انا شراي

قال لي اكيد قلت له اكيد بأذن الله و فلوسك ان شاء الله كاش . قال لي خلاص تم ونا بعتك

الكلام هذا صار يوم الخميس فالليل تقريبا . و السيارة موجودة في امارة ثانية . قلت له السبت انا عندك

المهم يوم الجمعه فالمغرب طلعت من ابوظبي و رحت شمال و حجزت غرفة وقلت بريح و السبت خالص بإذن الله

طرشت له مسج فالليل على اساس موعد نفحص و نخلص . اتصل بي عقبها بساعة و قال

اسمحلي ياخوي بعت السيارة . الريال رجع و خذها وزادني فالسعر.

قلت له لا حول ولا قوة ياخوي المفروض تخبرني قبلها انا رابط كلمة رجال معك

عالعموم يعطيه خيرها و يكفيه شرها شو تباني اقول لك . و قفلت منه

اليوم دخلت الموقع لقيت نفس السيارة بالضبط بس زايد فالسعر . يعني صارت سعر معرض

بس حاط رقم ثاني . قلت ان بعض الظن اثم خلني ادق من رقم ثاني . لقيته نفس الشخص؟!

يا اخي يوم انت مب جاد فالسعر و البيع و الشري ليش تعور روس الخلق وخط و عباله و مصاريف

انا قلت حسبي الله عليه .

لو شخص صغير بقول طيش لكن الريال كبير يعني من ال 35 و فوق .

صدق الي يعيش ياما يشوف . المفروض الرجل الصح كلمته تربطه

لكن بعض ( الاشخاص ) ما ادري شو من علوم المراجل عندهم ؟!


( ضيقة صدر ) :sahem2:

الموضوع الأصلي: شو الحل ويا هالنوعيه من الناس ..؟! || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

a, hgpg ,dh ihgk,udi lk hgkhs >>?!