الحمدلله اخذت لي ماكسيما 2011 فل كامل الاسبوع الماضي , وهذي اول سياره خاصه فيني امتلكها و صراحتا انا انسان خبرتي في السيارات قلييييله جداااااا جدااا .
و عندي كم سؤال اتمنى تساعدوني و توضحولي بعض الأشياء ( ممكن تكون أغبى اسئله قد مرت عليكم ) .
حاس اني تفلسفت كثير ؟ المهم نبدأ :
1: امس كملت تمرين السياره ( 1000 كم ) , يوم السبت باوديها الصيانه يغيروا الزيت, وش افضل نوع زيت تنصحوني فيه؟ واذا الزيت من عندهم العاده وش نوع الزيت اللي يغيروه ؟ والافضل اجيب الزيت معاي او من عندهم ؟
2: وش هي وضعية ال ds؟ وكيف اخلي السياره في هذي الوضعيه؟ قريت عنها في اكثر من موضوع لكن ما عرفت . و ايش الفرق بينها وبين وضعية ال d ؟
3:كنت دايم اسوق قير عادي , الحين صرت اوتو , السؤال الغبي: دعست البنزين تكون وحده ؟ او لم يوصل ظغط الهواء ع ال 5 مثلا ارفع رجلي (اكرمكم الله) وارجع ادعس ثاني ؟
4: امس اول ما كملت ال 1000 كم , قلت باجرب ادعس للسياره. وتوكلت ودعست يوم وصلت ع 230 بالظبط طلع صوت من الجلد ف على طول هديت, طبيعي يطلع الصوت ؟
5: اذا وقفت مده ما بين 15 الى 20 دقيقه , افضل اطفي السياره او اخليها شغاله ؟
6: احس ان صوت السياره مرتفع شوي لما تكون شغاله وهي واقفه, هل هو طبيعي ولا وسوسه مني(بحكم ان السياره توها جديده) ؟ واذا جيت من مشوار وطفيت السياره غالبا مو دايم اسمع صوت طقطقه من الكبوت شوي و توقف ؟
7: اذا السياره موقفه من مده وجيت شغلتها ظغط الهواء يكون ع ال 1 ونص بعد كذا ينزل تدريجيا الى النص . عادي ؟ ولما اكون مخلي السياره بوضعية ال n برضه ظغط الهواء يرتفع شىء بسيط وينزل ويرتفع وينزل ..... الين ما ارجعها و ضعية ال d , عادي ؟
اخيرا اتمنى تعطوني نصائحكم بشكل عام, ايش الاشياء اللي لازم انتبه منها و يعطيكم الف عافيه.
واسف على الاسئله الغبيه واذا الموضوع مخالف او شىء اتمنى المشرف اللي بيقفل الموضوع يجاوبني على اسئلتي بعد كذا يقفل الموضوع لأن ما عندي بعد الله الا انتوا ,و اتمنى تقبلوني اخ و عضو جديد بينكم.
04-07-2011, 12:12 PM
المواضيع المتشابهه
العرض العادي
