مشكلة قصتي عن الضمان غريبه ومحيره ؟؟؟ ارجو الحل ...

مشكلة قصتي عن الضمان غريبه ومحيره ؟؟؟ ارجو الحل ...

السلام عليكم ورحمة الله وبركاته ...

مساء الخير لكل اعضاء ومشرفي هذا المنتدى المتميز ....

عندي مشكلة يا اخوان عن الضمان والتسويف والتصريف وكل واحد يصرفني لشخص اخر ؟؟


اولا انا شريت باترول 2011 فل كامل (ستي اوبشن ) مع كل المواصفات والمميزات طبعا انا من السعوديه وشريت السياره عن طريق احد المعارض عندنا بالرياض وهو طلبها من الامارات عن طريقه وهو جاب السياره لي ...

طبعا اكيد يسال الان ليش شريت الباترول خليجي مو من وكيلكم الحمراني ...

اولا الحمراني والله يا اخوان لو تدرون الفرق بين الخليجي والسعودي ( السعودي اللي هو وكالة الحمراني ) ان ماتوقعتوا هالفرق هذا كله واللعب على المستهلك . يا اخوان الفرق اكثر من 30000 الف ريال سعودي بين الخليجي والحمراني وبالنسبه هل في مميزات اخرى للسعودي هي فقط الضمان وكالة الحمراني ؟؟؟ يعني معقوله ضمان يسوى 30000 ؟؟؟؟

الشي الثاني : انا يوم اخذت السياره الحمدلله الله يباركلي فيها ويباركلكم سياراتكم يارب انه كان بودي افحص السياره عند الحمراني لاني مشيت 1000 كيلو واشوف اذا كان فيه اشياء او عيوب بالسياره ... ( طبعا من يوم اخذت السياره كان فيها مشكلتين : 1- الاضاءة الاتوماتيكيه ما تشتغل بمعنى اذا جاء الليل لازم انا انا اشغل الاضاءة بنفسي وهي المفروض تشغل نفسها بالليل وتطفي نفسها بالنهار
2- المساحات الزجاج الاتوماتيك برضو ما يشتغل لانه بالمطر المفروض تشتغل وتوقف متى ما وقف المطر ..
3- مره شفت بالطبلون علامه انجليزي مادري وش معناها وانا امشي بالطريق .. العلامه هي iba ؟؟ هي اشتغلت مره واحده فقط لاكن انا بديت اتخوف لاسمح الله يمكن فيه مشكله بالكمبيوتر او البرمجه ؟؟؟

طبعا رحت للحمراني ابفحص 1000 كيلو وقالو لي ما يحتاج فحص رح بس غير الزيت والسيفون .. طبعا رحت غيرت الزيت والسيفون من ورشة ون ستوب ورجعت لمهم وقلتلهم عن المشكله اللي عندي بالسياره ...

قال لي مهندس الصيانه باول الكلام : سيارتك مو مسجل رقم الشاصي عندنا بالشبكه لازم نراسل الفرع الرئيسي بجده ونصور الاستماره ويراسلونا هم بعدين يشوفون السياره هي مسجله تبع المواصفات الخليجيه او لا ؟؟ الغريب بكرت السياره الموجود عند باب الراكب مكتوب فيها ( تطابق جميع المواصفات والمعايير الخليجيه ؟؟؟) فقلت لهم هالكلام رجعو قال لي : انت من وين شاري السياره ؟ قلت ياخي شاريها من معرض بالرياض وهو طلبها من الامارات من دبي ..
قالو لي : دفتر الضمان مو موجود ختم الوكيل اللي باع لك السياره من الامارات ؟؟؟

قلت : انت الان تبي تعرف من اللي باع السياره او تعرف هي تبع المواصفات الخليجيه ؟؟؟ قالي : لازم نعرف من اللي باع السياره لكم ؟!!!!!!

والله شي غريب ؟ وبعدين كلمت عدة ارقام لعدة وكلاء : وكالة نيسان بالشرق الاوسط : قالي عطنا رقم الشاصي واسمك ورقم اللوحه ونشوف حنا من اللي باع لك السياره من الامارات هل هو وكيل المسعود او الوكيل العربيه للسيارات بدبي ؟ عطيتهم البيانات طبعا ماجاز لي كلام الموظف لانه قال لي ممكن السياره الغي ضمانها لانه ممكن انها مخزنه بالمستودعات ومع التخزين يصير للسياره مشاكل والوكيل يبي يصرف هالسيارات هذي باي طريقه حتى لو كانت رخيصه لاجل ما يخسر ؟؟..
ورحت اكلم الوكيل المسعود وقالي رقم الشاصي هذا ما دخل عندنا .. قلت انا مافيه الا العربيه اللي بايعين السياره على راعي المعرض اللي بالرياض ( طبعا راعي المعرض مارضى يعطين اسم الوكيل اللي شرا هو منه السياره مادري لييش ؟!!)
فكلمت مدير تصدير السيارات بوكالة العربيه وقالي : حنى ما نبيع اي سياره للخليج ؟؟؟ قلت له ليش ! قالي ممنوع فيه وكلاء بكل دوله هم اللي يستوردون ويبيعون ؟؟ طبعا انا ما اقنعت ابدا بكلامه لانه مو معقول كل السيارت الخليجيه عندنا هي جايه عن طريق غير قانوني او شرعي ... الشي الثاني : انا سامع من كذا معرض انهم يتعاملون مع وكالة العربيه يجيبون لهم سيارات فكيف مدير التصدير يقول حنى ما نبيع سيارات للخليج ؟؟؟!!! الوضع فيه لخبطه وحبكه تجري من ورانا وحنى ما ندري ولا ايش ؟؟
سؤالي يا اخوان : هل فعلا ممنوع احد يبيع غير الوكيل الرسمي لنيسان ؟ او هذي طرق مماطله وتصريف لاجل اللعب على المستهلك واخرتها اللي يروح فيها حنى ؟؟ وهل فعلا انا خرجت عن الضمان ليس الحمراني بل الضمان العالمي لنيسان اللي يجبر كل وكيل بالاصلاحات الاعطال بالسياره مجانا ؟؟؟

تكفون اهل الفزعه شاوروا علي بالحل الرادع اللي يسكتهم عند حدهم وادري انكم منتب مقصرين ولا عمركم قصرتوا .. لاكن ابي تسامحوني على كثرة الكلام واخذت من وقتكم ... والله لو الواحد يصير له ما صار لي يحس باالمعاناة .. والله لايصيبكم الابالخير والتوفيق ..

باخر كلامي اسال الله لكم وجميع من ساعدني بالتوفيق والسداد وله من دعواتي الكثيير ...

الموضوع الأصلي: مشكلة قصتي عن الضمان غريبه ومحيره ؟؟؟ ارجو الحل ... || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

la;gm rwjd uk hgqlhk yvdfi ,lpdvi ??? hv[, hgpg >>>