وأخيراً استلمت السيارة اليوم ..مع فلم خروجي من الوكالة

وأخيراً استلمت السيارة اليوم ..مع فلم خروجي من الوكالة

بسم الله الرحمان الرحيم

السلام عليكم ورحمة الله وبركاتة

أولا أحب أن أهنئكم جميعاً بقرب حلول شهر رمضان المبارك
اعاده الله علينا بالخير واليمن والبركات

أخواني الاعزاء ..احب اشارك فرحتي بلاشك معكم لتكمل الفرحةوالبهجه بقلبي ..بمتلاك اروع ماقدمته نيسان لعام 2011

وطبعن حبيت يكون الموضوع بالصور بأول وصولي بوكالة نيسان
بالدمام فرع ابن خلدون..لستلامي السيارة

بعد ماتم ابلاغي بأن السيارة جاهزة لتسليم

أحب اشكر ..إيضاً ..الاخوان الي تشاركو معي مايخص أو الاغراض الي تجي بالسيارة

ممكن كثير من الناس تسأل عن سعر السيارة هالفترة
سعر الكاش الفل : 132000 الف
انا شريتها بنظام التأجير مؤقت
عشان لوجازت لي راح ادفع الي الله يقدرني عليه مرة وحدة
بدون دفعة أولى
الرسوم الادارية :1100ريال فقط
وسداد أول قسط بعد شهر من الاستلام
القسط الشهري :2900 ريال
مدة السداد : 60 شهر
الدفعة الاخيرة : 32000الف
فوائد الوكالة مع التأمين الشامل من التعاونيه
9 %100
ضمان على السيارة لمدة 100 الف كيلو أو ثلاث سنوات
ايهما اسبق
وأي استفسار اناا بالخدمة

مشاءالله أول ماشافتها عيني وهي بمكان المخصص للاستلام

طبعن بعد التقحص والتقلب بمعاينة السيارة
اناا وخويي
الحمدلله كل شي تمام ..لاكن نقصت طفاية الحريق +الاسعافات الاولية
تم ذكرهم في قائمة الملاحظات
بورقة الاستلام

اما بخصوص الاجراءات ..تمت مع مستشار المبيعات
السيد : مشاري سعد الجحان
رجال كفو وطيوب جداً ..ومايقصر
بالبداية ..عطاني موعد 14 يوم لتخليص :doubt:السيارة
بــ12 يوم تم الاستلام:hungry: على أكمل وجه
وبعد الاستلام ..عطاني كبون خصم 550 ريال مع اضافات مجانية
من شركة 3m للعازل الحراري:go:.
والسيد : عبد الرحمان ..بقسم الحمراني للاستثمار
رجل كفوو والله ..عطاني كل التفاصل من التأمين والخدمات المجانية وكل مايخص الضمان والصيانة من الى
منها الخدمات المجانية للطوارئ لو سمح الله
وعطاني هم كبون خصم لشركة فيكول:go: للعازل الحراري

وبعد انهاء الاجراءات الاخيرة ..قام السيد :عبدالرجمان
بتعبئة السيارة بالوقود ..وسلمت وتشكر الشباب
بعدهاا صار لي الفلم الهندي :businessman:ههههههههه
طبعن لما استلمت الاوراق اضفت معها القران الكريم
وسميت بالله وتوكلت على الله
طلعت على شارع ابن خلدون ..ماتقدمت اشوي الا رجل مرور
يجبرني على الدخول داخل حارة مخطط 75 والسبب ممكن عبور أمير
ولا شي من هالقبل الله اعلم
المهم السيارة قدر البنزين بقوة بسبب الوقفه والزحمه
وانصدم الا قدامي ((هندي)) فنان بالسواقه حيل
حك له سيارتين بثواني ...قلت بنفسي :adore:الله يستر بس علينا
المهم نزلو الاخوان الي انحكت سيارتهم ..وهاات ياشتم وتلطخ بسريع في الهندي بضمير مستعجل لدرجة خلوه يروح
من كثر ماهم مالهم خلق مساكين الله يعوض عليهم
وطبعن اناا كل ماشفت احد سألته وين اقرب محطة بنزين هههه
ومنهم الي تضرروو من الهندي لاكن كفو كانو يباركو لي على السيارة هههههه فديتهم ..ماعلينا
وصلت معاااي خلاص حسيت بيطفي الموتر خلاص بالزحمه
شفت لي منفد يطلعني فوق رصيف عشان اصير بالشارع الي فيه المحطه ..والله وركبتها فوق الرصيف بسريع ووصلت للأشارة
الي قبل مجمع ابن خلدون ..والحمدلله طفيت الموتر بالاشارة
مجرد ماشغلت الاشارة.. شغلت الموتر دعسه واناا بالمحطه وهو يرجف وانتظر الصلاة وبعدها عبيت الفل واتكلت على الله على البيت بسلامة
:go:

واحب اطولها عليكم اشوي بعد ..فاضي الاخ ههههه
أحب اتكلم اشوي عن تجرتبي باليوم الاول للمكسيما
ماشاءالله ..سيارة ماتقارن ابداً بالافلون مع احترامي لعشاقها
بالعلم انو سيارة الوالد افلون موديل 2007 يعني استخدم السيارة وعارف شنو الفرق
واحب اضيف ..اني ملكت الحمدلله بفضله
سيارات كثيرة منها مرسيديس من الشبح الى الفياجرا
وبي أم دبليو 760 افخم فئه 12 سلندر موديل 2004
ولكزس 400 و 300 وكثير من السيارات مرت علي وعارف
كل المميزات الي فيهم ..لذلك اعرف اميز الشي من البداية
المكسيما نظرتي فيها كانت روعة وبعد ما امتلكت هالسيارة
حسيت انها روعة بجد ...والسبب انها تأخذ مميزات حلوة وخفيفه بتقنيه جديدة وسهلة وتستاهل بجد سعرها
والسبب انها سيارة تلبي طلبات المستخدم من كل النواحي
بدون اي اضافات وكسسوارت تجارية

وبصراحة اناا مانمت مواصل بس حبيت اضيف الموضوع قبل النوم
لذلك اسمحو لي على الاطاله والثرثرة الزايده ياشباب :dhh:
وادعولي الله يوفقكم يارب ويسهل أموركم بالدنياء والاخرة
وكل عااااااام وانتم بخير يارب

الموضوع الأصلي: وأخيراً استلمت السيارة اليوم ..مع فلم خروجي من الوكالة || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

,HodvhW hsjglj hgsdhvm hgd,l >>lu tgl ov,[d lk hg,;hgm