بخصوص الصيانه والقطع ..

بخصوص الصيانه والقطع ..

السلام عليكم ورحمه الله وبركاته

حياكم الله اخواني الكرام ..

كيف حالكم ياخوان ..؟ ان شاء الله طيبين ..؟

مبارك عليكم الشهر الفضيبل .. والله يكتبنا من صوامه وقوامه ويجعلنا فيه من عتقائه من النار ..


مابغا اطول عليكم ..

الحقيقه اني عندي موضوع صغير حبيت استشيركم فيه بالنسبه لسيارتي ..

انا معي كامري 2006 .. حلوو .؟؟؟

الفتره هذي صايره فيها رجه قويه جدا ..
يعني لما اتعدا الـ 70 كم تبدا تررج الين الـ 140 او الـ 160

يعني ررجه خياليه ..

هذا اول شي ..

ثاني شي الموتر احسه ماهو موزون < يعني يلعب من ورا

خلفيه الموتر احسها ماهيب موزونه لو الف لفه بسيطه احس الموتر بكبره بيزلق او بيزح زي كذا ..


المهم صلوو عل النبي .. ( اللهم صلي وسلم وبارك عل نبينا محمد وعلى اله وصحبه اجميعن )


ذاك اليوم الصبح كنت فآضي قلت خل اروح لم العضيب وافحص الموتر

وادز لمهم واسوي فحص كامل للموتر ..

الرجال قالي عندك :
مساعدات خلفيه + كراسي < مادري كراسي وش ..؟
+ عمودين توازن + سحب مفص .. الخ

واروح واسعر القطع ..
مساعدات خلفيه بـ 1085 ريال

كراسي بـ 500 وزياده

عمودين توازن بـ 260 ريال

:SnipeR (81):

انا مادري هل انا مدخل عندهم كامري شكل قديم ولا لكزس 460 ..؟

وش رايكم ياخواني بالاسعار ..؟

هل معقوله مساعدات خلفيه بـ 1085 ريال ..

لا ويقول حنا ارخص رح للوكاله وللنهدي وشف الاسعار الي تعجبك من جد ..!!!!


يعني والله من جد حاله صعبه رفعوا اسعار سياراتهم < قلنا مايخالف مواتر جيده وتصبر وو .. الخ

لكن قطع الغيار تندبل بها الشكل &lt***** ليه طيب ..؟
وباي حق ..؟


فاحبيت ياخواني استشيركم بالموضوع ..؟
وش رايكم ..؟
ووش رايكم بالاسعار ..؟
ووش افضل وانسب حل ..؟

.................................................. ....


الشغله الثانيه ..

انا الحقيقه مظطر بعد يومين اني اسافر للشرقيه عندي شغل في ذاك ..

وحاليا ماعندي الا الكامري ..

عادي اسافر عليها عل هالخرابات ولا خطر ..؟

ادري انكم بتقولون عادي اهم شي الموتر يمشي ..

بس الحقيقه الوتر صايرن يوحشش من جد ..

يعني وانا بالرياض والله اني اعاني من سواقته &lt***** ررررجه خياليه وفرامل ابو كلب ..

فاوش رايكم عادي اسافر عليه ومافيه مشكله ولا كيف ..؟



في النهايه احب اشكركم مقدما ..

والله يعطيكم العافيه ولايهينكم ..

تحيآآتي لكم وموفقين باذن الله ..

الموضوع الأصلي: بخصوص الصيانه والقطع .. || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

fow,w hgwdhki ,hgr'u >>