السلام عليكم ياجماعة الخير
بخصوص الافالون 2012 الاشاعات اللي تقول انها راح تتغير بصراحة انا فكرت ان هل بالفعل راح تتغير في سنة 2012 ولا لا بس لو اخدنا الموضوع بالمنطق راح نتوصل ان موديل 2012 هو نفسه 2011 على الاقل وحتى يمكن 2013 ليش من عدة نواحي ان الافالون 2011 تغيرت في كثير من قطع البدي على سبيل المثال الواجهية بالكامل مختلفة عن الموديل السابق في الانوار الامامية والصدام والشبك والرفارف ويمكن حتى الكبوت
الجنوط تختلف عن موديل 2010 الطبلون بالكامل متغير
الخلفية ومنها الاصطبات والشنطة والصدام كلها تختلف عن موديل 2010 المرايات الجانبية هم تختلف عن 2010 السؤال اللي يطرح نفسه التغييرات اللي اجرتها تويوتا على موديل 2011 اكيد مكلفها ملايين الدولارات فهل يعقل ان تويوتا بتخسر ملايين عشان تنزل موديل لسنة وحدة بس وهل يعقل انها بتنزل موديل وبعدها راح تغيره بعد سنة والسؤال ليش
وعمرنا ماسعنت عن سيارة تجددت في عدة قطع كثيرة منها وبعد سنة تغيرت يعني يمكن يكون تغيير في الجنوط والاصطبات ممكن بس التغيير اللي اجري على الافالون انا اضمن ماراح تتغير قبل 2013 ومثل ماقال البعض التغيير يمكن يكون في 2014 وبعدين ليش تويوتا تغير سيارة بعد سنة من تغييرها والسيارة مرغوبة وسعرها مهو بشوية والناس تشتري
والسؤال الثاني اللي يطرح نفسه اللي قالوا وجزموا ان 2012 راح يتغير انا اتحدى اي واحد يطلع شكل موديل الـ2012 لان انا بحثت كثير في النت وشفت موديل 2012 هو نفس موديل 2011 وفي عدة اشكال لسيارة تويوتا يقال انها افالون 2012 بس ركز على كلمة عدة اشكال للسيارة يعني مافي شكل ثابت وهذا يعني ان 2012 نفسه 2011
واذا كان صحيح تغير يورونا السيارة الجديدة
وانا اقول الى اصحاب الـ2011 قروا عينا وافرحوا بساراتكم واكشخوا فيها ولا تعوروا راسكم بالاشاعات اللي مالها داعي
08-17-2011, 09:31 AM
العرض العادي
