السلام عليكم ورحمة الله اول شي الله يتقبل من جميع المسلمين الصيام والقيام انشالله
الموووووووهم مشكلتي اني فكيت دبة الرصاص وركبت ماصوره بس قصيت من خلف الحساس حلو وللان ليا تقريبا من 4 الي 5 شهور وعادي مافي اي مشكلة بس امس وانا راجع البيت كنت داعس للاخير ووصلت السرعة 160 تقريبا ولعت لمبة المكينة فجاة والسيارة اضغطلها بنزين ماتمشي وجنبت وادعس بنزين مايطلع الاربي ام عن الواحد بس السيارة مرا ماتمشي ولا حتى سنتي واحد طفيتها وقعدت 5 دقايق وشغلتها تاني راحت اللمبة مشيت مشي عادي ابو 5 متر رجعت ولعت اللمبة ولاتمشي السيارة سبتها بعد كدا نص ساعة وشغلت نفس الحكاية وراحت اللمبة بس مشتني حوالي كيلو للبيت وصلت وقفلتها عادي لاولعت لمبة ولا شي وتاني يوم خرجت ابو 10 متر ونفس الحكاية بس شغلتها قعد السلف معلق مور راضي يشتغل بس معلللق يعني كانها بتشتغل وبس خفت ينحرق او يخرب قفلت وبعد ربع ساعة شغلت تاني اللمبة حقت المكينة والعة بس السيارة تمشي عادي وصلت البيت قفلتها وخليتها ومستني الوكالة قالو بعد العيد قهر ماراح اعيد فيها بس الحمدلله على كل حال
معليش طولت عليكم بس ايش تتوقعو المشكلة ؟؟؟؟ممكن من فكة الدبة ؟؟؟وكنت مركب انتيك قبل 3 شهور وفكيتو وقبل شهر ونص تقريبا لقيت الفلتر حق الهوا مقطووووع وغيرتو والله خااايف تكون مصيبة بس لو احد يكون يقدر يفدني ياريت وشكرا واي سؤال انا حاضر لانو سيارتي ماشية 106 الف كتيييير ههههه كارفها صح اول دفعة اخدتها وكل ماشفت احد قعد يهزءني على الممشى الكتير بس والله ياكتر المشاكل اللي جاتني لكن السيارة دي عشق لاينتهي خخخخخ خفيفة على القلب الله يهديها بس قامت تتدلع اليومين دي وللعلم اخر صيانة سويتها 80 الف وكلفتني 2800 وبعد الخصم 2160 وغيرت فيها بواجي والسياارة مع المشكلة دي لكن لا تفتف ولا ترج ولا اي شي يعني لا بواجي ولاكويلات ماعتقد لانو حتى الحرارة طبيعية بس كانت قبلها بيوم تبدا ترج رجة قوييييية بعد 100 بس انا عندي مساعدين معدومين ومقص وكمر فاعتقد منهم رغم انو اول مرة ترج كدا مستني اجابة وشكرا واسف على الموضوع غير مرتب
08-28-2011, 06:25 PM
العرض العادي
