السلام عليكم ورحمه الله وبركاته
الربع بدون مقدمات .. ابويه عنده مرسدس اس 350 موديل 2007
الموتر فيه مشكله فالقير وكل ما اوديه الوكاله يقولون برمجه وهالسيارات كلها تحتاج على كل تشيك تبرمجها ونا اقولهم يا جماعه الخير مستحيل برمجه شو كل مره ببرمجها وطلع فالاخير مشكله فقطعه الفالف بدي
المهم السياره من اول يوم فرمضان لين اليوم وهب خالصه .. قالي اول شي بنطلب القطعه من المانيا وتحتاج 20 يوم .. عقب 20 يوم راجعتهم قالو والله ما وصلت وتحتاج 5 ايام .. وعقب قالي عقب العيد ومن هالكلام .. احتشرت عليه وقتله القطعه موجوده برى قال مستحيل وهالقطعه لازم تتبرمج فألمانيا على رقم شاصي سيارتك وعقب يطرشونها .. قتله هب مشكله والحين من سبوعين اتصلتبه قال والله بحاول اطلبك اياها من بوظبي قتله تقول يبالها برمجه فألمانيا قال هب مشكله ببرمجها عندي ..
عقب قالي الاثنين ان شاء الله يعني اول امس بتخلص السياره ورحت ع اساس استلمها وقال والله القطعه ماوصلت بعدها ..
طبعا كل يوم يقولي سالفه مره لازم تتبرمج .. ومره بييبلك من بوظبي .. والقطعه لقيتها برى قطع الغيار ب 4000 درهم والوكاله قالتلي 11 الف ..
غير المواعيد الي كل ما اروحله يقول بعدها والله ..وغير اني اتصلبه يقولي دقايق وبكلمك واتصلبها عقبها ولا يرد علي ابدا
شوو السالفه الحين لعوزني الله يلعوزه معقوله
وكاله هب قادره تطلب قطعه ف 40 يوم
لو انا طالبنها بتي ف 4 ايام شو هالمصخره .. قتله شو التعويضات الي بتعطيني اياها عشان التأخير قال ماشي قتله لا عطيتوني سياره ولا بتنقصوون فالسعر شو هاللعبه ....
09-14-2011, 07:15 AM
العرض العادي
