طبعا من باب التغيير في طرح المواضيع حبيت أقول لكم قصة حدثت لي قبل خمس سنوات تقريبا وأنا في حفيرة نساح كنت أتمشى على النفود وكان معي جيب سوزو أسمه روديو (تماتيك) الي يشبة الباثفندر المراد وأشوف لومينا مغرزه تغريزه قشرى طبعا طريقة التغريزه الرجال في طلعه و راجع ريوس ووراح طعس (نفد ) وحاول يطلع قدامه طبعا طلعه ووراه نفد لا ومعه لومينا المراد جيت أنا بأسحبه غرزت بجنبه ونشب الواير وجا شاص وسحبني وفكيت الواير وأستلم الواير وكأنه المنقذ حلوه وكأنه المنقذ (سلطان بن فهد على غفلة )المراد ويحاول ويغرز ويجيك كبسوله وبرضو يغرز شوي ويجي هايلوكس ويقرب الصندوق يقول وخر بأسحب (وش عنده الهايلوكس) طبعا الهايلوكس غماره وبدون دبل قلتله الله يرحم أمك الآن سيارة وحده مغرزه لاتصير 2 قال ماعليك بأحاول قلتله والله ماتقدر قال وإن طلعتها قلت عشاك علي قلت لاتعطلنا بس قال بأجرب ضارك شي قلت جرب مواصفاته (مديل 2006 عماره كفرات عراض مركب 8 في الصندوق منسم الكفرات على 5 ) ويقرب السياره ويبدى ينتق اللومينا يوم بدت تطلع ويسحبها وأهي على طلعه (طبعا لطعة نفد ) والله ياجماعة إنا كلنا أنبهرنا :tinysmile_angry_t: الحين كلنا ماقدرنا ويجي هايلوكس لا بعد من دون دبل يوم قالو الي معه العشى العشى قلت والله تستاهلون وأنقز للمزاحمية وأجيب لهم العشى طبعا تذكرت البيت الي يقول (لاتحقرن صغيرة إن الجبال من الحصى )
10-01-2011, 09:37 PM
العرض العادي
