هذا الي صار لي اليوم بصيانه 20.000 - صدمه -

هذا الي صار لي اليوم بصيانه 20.000 - صدمه -

صباح الخيرات لكم جميعا

حبيت انقل لكم الي صار معي ,, رحت ابي اسوي صيانه 20.000 سيارتي 2010 فل لها معاي سنه و 7 شهور وواضح لكم الممشى قليل .. احمد الله انا مو راعي قومات ولا سرعات عاليه ومحافظ على سيارتي الحمدلله وملتزم بالصيانه من يوم ماطلعتها

قبل الصيانه بيومين تفاجات البوري ضرب صار صوته غريب لمن رحت للوكاله اكلم المهندس الفلبيني بالانجليزي طبعا مايعرف عربي قال خلاص نشوفها وقلت له بعد ابيكم تدورون الكفرات وتشوفون لي البطاريه كم فيها نسبه قال طيب قلت انا ماني برايح ابي تسوون الصيانه واشيلها الان خصوصا اني بموعد قالي ok ..

المهم قعدت بصاله الانتظار اقلب بالايباد لين شفتهم جابو سيارتي ورفعوها وجا المهندس تحتها مسكني فضول الا اني اروح للمهندس.. فعلا رحت

سالت المهندس قلت له قريت بالمنتدى انه في شغلات تتشيك على 20000 وفي اشياء على 40000 قالي كل الصيانات وحده وتشييكنا واحد هنا صراحه اكلت معي شوي ولا شفته سوى تدوير للكفرات ولا غيرها ولا شي ولا اهتم بالبطاريه

قلت له ليش متبدل الكفرات وتشوف البطاريه ؟ قالي مو مكتوب لي !!

قلت ياحبيبي انا قيال للفلبيني وبعدين مو شرط سالفه تدوير الكفرات تنكتب المفروض تتغير بدون

قالي طيب بغيرها وفعلا غيرها وعقبها جاب الجهاز حق قياس البطاريه

عنبو ابليسكم وكاله ... ولازم اوقف على راسك يامهندس ؟!

ماعلينا ومالكم بالطويل لمن جا يغير البوري راح يغيره على الضمان طبعا .. طبعا غير البوري الواطي والعالي الاثنين

والله ثم والله مكتوب اكياس البوري الي ركبها صنع بالفلبين ولمن فك الي عندي مكتوب عليها صناعه اليابان

قلت له الحين شلون كذا .. طبعا قالي الحين كلها امريكيه .. قلت له عارف انها من 2011 امريكيه بس وش دخل الفلبينيه ؟؟ للاسف مافي اجابه

المهم تركته ورحت اطقطق بالايباد قالولي خلصت السياره جيت اشغل ابي امشي

شغلت المكيف الا في صوت زي التنسيم محل فلتر المكيف داخل الدرج كلمت المهندس قالي صح في صوت وراح للفلبيني .. شافها الفلبيني قال طبيعي

قلت السياره معايه من سنتين وفاكها زيرو من الوكاله ومشيتها 20000 ولا سمعت هالصوت الا بعد صيانتكم تقوم تقولي طبيعي ؟

قفلت معي واروح للمدير حق الصيانه وشرحت له الوضع ويرسل معاي كبار المهندسين شاف السياره

قال طبيعي !!

يرحم امكم وربي سيارتي تحت يدي ولا عمري سمعت هالصوت فيها .. قالولي لا تخاف انت سيارتك تحت الضمان ولو صار شي احنا مسئولين وبنوريك سيارات ماشيه اقل من ممشى سيارتك وفيها هالصوت واصلا احنا ماقربنا فلتر المكيف ومن هالكلام

شلت سيارتي ببواري فلبينيه وبصوت بالفلتر حق المكيف ويعنني مسوي صيانه بالوكاله !!

هل انا انلعب علي ؟! هل اترك الوكاله واجرب مع ابو يمن ؟!

ابي اعرف وش سالفه البواري الفلبينيه ؟؟

اخوي بلال فيدني بالبوراي الفبينيه ذي

شاكر لكم ومقدر يا اخوان

الموضوع الأصلي: هذا الي صار لي اليوم بصيانه 20.000 - صدمه - || الكاتب: هوندا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

i`h hgd whv gd hgd,l fwdhki 20>000 - w]li