الحمد لله أخيرا و بعد طول عناء اشتريت السياره الهوندا سيفيك 2009 اللى كنت بدور عليها و ربنا يعطينى خيرها و يكفينى شرها انا وكل أصحاب السيارات فى هذا المنتدى الكريم و شكرا لكل الاخوه اللى ساعدونى بالرد على استفساراتى قبل الشراء و جزاهم الله كل الخير ... و الان نأتى لاستفسارات بعد الشراء:d:d
أنا صراحة أول مره أشترى سياره و ما عندى أى خبره فى كيفية صيانتها الدوريه والاعتناء بها حتى أحافظ عليها و لذلك كنت اريد من أحد الأخوان اللى عنده خبره بالهوندا سيفيك 2009 أن يجيب لى عن بعض الأسئله :
1- ما هى الأشياء اللى المفروض أغيرها فى السياره كل فتره من زيوت و فلاتر وقطع استهلاكيه و خلافه و متى أغيرها ... باختصار كيف أحافظ على السياره؟؟؟
2- ماهو أفضل نوع زيت أستخدمه؟ وأغيره كل كام كيلو؟
3- السياره ماشيه حتى الأن 90000 كيلو تقريبا فهل أغير لها سير الماكينه (التايمينج) و لاأغيره متى؟؟ أم أنه لا يغير فى السيفيك؟؟
4- السياره كان صاحبها الأول مسوى لها تظليل و كذا لجنه أوقفونى و قالوا لى أنه ممنوع فقمت بازالة تظليل الزجاج الأمامى و زجاج السائق و الراكب الأمامى فهل تظليل زجاج الركاب الخلفيين و الزجاج الخلفى ممنوع مع العلم أنه تظليل ثقيل الى حد كبير؟؟
5- ما هو أفضل مكان صيانه معتمد فى الطائف لأغير فيه القطع الاستهلاكيه والزيوت لأن السياره باقى ليها ضمان 9 أشهر إضافيه تبع عبد اللطيف جميل لأن صاحبها الأول كان مشتريها من معرض عبد اللطيف جميل للسيارات المستعمله فى جده و اشترطوا ان الصيانه الدوريه تنعمل كل 5000 كيلو فى أحد مراكز الصيانه المعتمده حتى يظل الضمان سارى؟؟
6- ما هى أفضل طريقه للحفاظ على الجربوكس؟؟ يعنى مثلا عند التوقف فى الأشاره أحوله لوضع P و أشد فرامل اليد و لا أخليه على ال D وأدوس فرامل حتى تفتح الاشاره ولا أحوله على ال N وأدوس فرامل حتى تفتح الإشاره؟؟
7- هل أحد يعرف ما هى تكلفة تركيب جهاز إنذار مع ريموت للسياره بالتقريب؟؟ وفين أسويها فى الطائف؟؟
01-04-2012, 09:50 AM
العرض العادي
