البورش كايين تيربو ولا lx570 ولا البانيميرا

[التاجر الاماراتى]

البورش كايين تيربو ولا lx570 ولا البانيميرا

السـلام عليكم اخـواني

اخـواني انا من فترة وانا ادور لي موتر ومن 4 شهور كل يوم اشوف لي موتر ويعجبني بس المشكله كل موتر الناس تظهر لي عيوبه .. على شهر 9 اللي طاف كنت خلاص بخذ الستيشن ليكزس بس كان عندي دورة دراسة فأجلت الفكرة .. والحمدلله اني ما تسرعت لنه نزل 2012 اللي هو احلى ..

بس يوم سمعت عن سعره انه بيوصل فوق ال 400 الف شكلي بهون .. بعدين رحت وكاله البورش وصممت لي البورش كايين تيربو ووصل سعره ل 541 الف بس الموتر صراحـة ما عليه كلام .. بس واحد قال لي انه السيرفس بيذبحك ولازم كله بمواعيد تتريى 20 يوم ويتم الموتر عندهم كذا يوم .. وبعد الموتر اذا حجزته بيوصل شهر 7 واذا ابغي اتريى شهر ونص زيادة عشان يكون موديل 2013 ..

البورش صراحة فخامه وقووه بس كشكليا في الشارع ما تحس له ذيج الهيبه شرات البنميرا .. بس انا من النوع اللي احب الفورويل ..

انا مقرر اني خلاص اخذ لي موتر عقب اسبوعين بس خلاص ما قدرت ارسي على موتر ..

اللكزس عملي والسيرفس ماله مناسب وشكله حلو بس المكينه لك عليها صراحة تعبانه وانا ابغي موتر قوي واهم شي الصوت ..

الكايين تيربو غالي بس ما عندي معلومات وايد عن السيرفس وله وعن خراباته ..

البانميرا يكفيك هيبته ..


يا اهل المشورة شوروا علي شو تشوفون الافضل من دون النظر لسعر الموتر ..


منتظر ردودكم

الموضوع الأصلي: البورش كايين تيربو ولا lx570 ولا البانيميرا || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

hgf,va ;hddk jdvf, ,gh lx570 hgfhkdldvh