اكيد بتستغربون من الموضوع لاكن ما كتبته الا بعد ما انفقعت مرارتي و ارتفع ضغطي وجاني السكر وحسيت اني اندر تيكر من كثر ما اتعلق في الدركسون وحسيت اني رنالدو من قوة ما احط رجلي على الفرامل ....!!!
طبعاً السالفه قبل اسبوع تقريباً
ركبت كل اهل معي في الصالون ناوي اوديهم للديره وفي احد الاشارت في الرياض معروفه بزحمتها ((ياملحي واقف وماسك طابور)) وعقب جهد جهيد وفتحت الاشاره المره الخامسه وجادوري جا واحد مااااااغط من اليمين ويزرق في وجهي بغيت اصدمه ((والله لوه موتري او الصدام حديد كان طيرت شنطته)) واكع فرامل وارج نفسي وارج اهل واحوس الدنيا لدرجة ان ولد اختي كان في المرتبه الثالثه لقيته لازق وجهه في المسجل واعلق على البوري عليه واخينا في الله لحاله في السياره وبكل وقاحه يطع يده من الدريشه ويسوي حركه وصخه واتوقع اي واحد فاهم يعرف قصدي
قلت ماعليه تهون
في وقت الرجعه جاي وانا معي اهلي جايك راعي كابرس غاثني بالنور هديت لين يتعداني وعطيته كبستين ((افهم يافهيم)) طف نورك ولي يرحم والديك طبعاً اخينا في الله عبطي انا تعديته وناوي امشي في حال سبيلي ويعلق على العالي واعطيه اشاره طف نورك وينشب لي في هالخط لاهوب الي تعداني ولا هوب الي تركني اروح مستقعد قلت دواه عندي واوقف في محطه راجياً من المولى انه يوقف معي والله ان اكله وهو حي بس ستر عليه ربك ومشى
ولين الحين الامور ممتازه
طالع من البيت مروق وتمشي في حال سبيلك وعلى السرعه القانونيه 120 وماسك النص ويجيك واحد يمتحنك بالتكبيس يبيك تفتحله الخط ((انعنبو ابو ابوك ماتشوف الخط الايسر او الايمن والا ماحلالك الا الاوصط)) وهاذي تهون التعب عليه مهوب عليك
المصيبه الي يجيك يمشي 80 على الدايري وماسك الايسر والعالم تكبس له ورافض انه يفتح (( وش الحل مع هاذي الشاكله من الناس))
ولا يجيك واحد يمتحنك الشارع فيه اربع اسياد كل سيد اكبر من الثاني يجيك واحد يطلع من الحاره مع جمس صالون مديه 1400 وحطبه ميلادي مهوب هجري يجيك بكل برود ويمشي صفر او بالاحرى يدحدر يعرض في نصف الشارع ثم يمسك السيدن الي على يسار
10-31-2010, 09:46 AM
المواضيع المتشابهه
العرض العادي
