كيفية طرد الفئران من سيارتك

كيفية طرد الفئران من سيارتك

من اسبوعين بالضبط فوجئت برضه بوجود عرسة في سيارتي , شفتها بعيني بالليل الساعة كانت 2 صباحا تقريبا

طبعا كان منظرها مقزز جدا لدرجة اني حتي ماقدرتش افتح باب السيارة ( و خصوصا اني بخاف الفئران )

طبعا من ساعتها ابتديت اسأل و ابحث في النت عن طريقه لطردها او اصطيادها

كان من الجميل جدا اني تابعت موضوع اخونا ابوهاشم و تجربته مع العرسة و كذا موضوع تاني بيتكلم عن نفس المشكله

المهم بعد مراقبتها لفتره اكتشفت انها مش ساكنه العربية هي بتدخل و تطلع كل يوم

اكتشفت ايضا انها بتحب جدا قطعة من الفرو كنت حاططها علي التابلوه لأني شوفتها كانت كأنها بتتمرمغ عليها و تحتها ( الظاهر ياعيني انها كانت يتيمة و محتاجه لحضن دافي )

بعد البحث الطويل في المواقع العربية و الأجنبيه

النتيجه النهائية هي حل من الأتنين :

1- اصطيادها عن طريق مصيدة فئران عادية لكن لازم تكون الفتحات بتاعتها ضيقه جدا علشان ماتتطلعش بعد اصطيادها اما بالنسبه للطعم فلازم يكون قطعة لحمة نيه أو كبدة و ياريت تكون بدمها لانها تموت في الدم

2-طردها عن طريق استخدام الشيح ( هي اعشاب زي اليانسون موجوةد عن العطار ) الشيح ده ريحته زي اليانسون و عن تجربه العرسة بتكرهه مووووووت

و كمان الشيح ده بيطرد التعابين و الفئران

لما لقيت انها كل ليله تدخل تبات تحت الفروة اللي علي التابلوه سبت الفروة زي ماهي ( عشان هي الدليل الوحيداللي بعرف بيه انها دخلت عندي )

و جبت ربع كيلو شيح و وزعته في الشنطه و تحت الكراسي و تحت الفروة طبعا )

و انهاردة الحمد لله رابع يوم و مالهاش اثر

غير ان ريحتها راحت من العربية نهائيا ...... طبعا لأن العربية ريحتها بقت شيييييييييح

طبعا الشيح أفضل ألف مرة من ريحتها

موضوع الشيح ده اقترحه عليا صديق كان عندهم مزرعة و كان التعابين و الفئران ماليه المزرعة

بالنسبه للفئران برضه عرفت ان الفلفل الأسود بيطردها لأنها بتكره ريحته برضه


بس حبيت اشاركم التجربة يمكن حد يستفيد ربنا ينفع بينا جميعا

الموضوع الأصلي: كيفية طرد الفئران من سيارتك || الكاتب: عاشق الصمت || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

;dtdm 'v] hgtzvhk lk sdhvj;