انا عضو جديد انضميت إليكم و اتمنى أن أكون على حسن ضنكم
و جايكم بمشكله تبهذلت منها و لا لقيت لها حل و قالي واحد ادخل موقع تويوتا العربيه و بيعطونك الحل ان شاء الله
انا معي كورلا 2006 خليجي قير تماتيك
و المشكله على ما اضن بالقير ، اذا مشيت عليها ووصلت بالسرعه 160 ترجع نمره و تحن المكينه و لا تتعدى 160 ، و اذا رفعت رجلي عن البنص نزلت السرعه عن 160 ترووح الحنه و تكون طبيعيه ، يعني مستحيل تتعدى 160 ، رحت للقرعاوي بعنيزه اللي على الدايري و ساقها الفلبيني و قال عندكـ الكلتشات بالقير و يبيله توضيب ، تركته و رحت للقرعاوي الثاني اللي بالصناعيه و ساقها الفلبيني اللي عندهم و قال القير سليم هذي ممكن كتمه أو المكينه يبيلها تصفيه ، تركتهم و رحت للوكاله بالرس و قال القير سليم ، و رحت للورشات ببريده و فحصوا القير كمبيوتر و قالوا القير سليم هذي كتمه بس ، و رحت لتراي ستااار ببريده و قال نفس الكلام كتمه ، و رحت لكذا ورشه بالبكيريه و البدايع و الرس و بريده و عنيزه و كلامهم متضارب اللي يقووول توضيب القير و اللي يقووول القير سليم و ممكن تكوووون كتمه ، و فيه تركي بالرس يقووول عندك جهاز السرعات بالقير غيره .
وش رايكم وش السواة ، مع اني فكيت الدبه الأولى حقت الكنداسه و ركبت بدالها ماصوره لأنهم قالوا منسده و لا فيه فاااااايده ، و كل تبيدلات القير عاديه .
11-30-2010, 10:52 PM
المواضيع المتشابهه
العرض العادي
