Mercury Milan Hybrid 2010 تقرير مفصل كامل ورائع

نبداء بالمواصفات وتم الكشف عنها بالتفصيل

أولا" مواصفات المحرك ":

2.3 لتر
4 سلندر
160 حصان
دفع أمامي

وسياره للأمانه ماتصرف بنزين ,

هذا اذا طبعا" مشيت بروقان, مو دعس عند كل أشاره

وفي صووت حلو للمكينه ( البعض يعتبره عيب في سياره)

لكن أنا عاجبني أكثر شي الموتر.

وجناان لمن تدعس وخصوصا في القومه

كل الي في شارع يحسب سياره 8 سلندر ,,

وثبات في سياره 100 %

وغرز على كيف كيفك ,,,,,,,,,

ولي فايدني أكثر أني مهبط سياره شوي (بس شوي)

وفي الخط سواقتها نفس الجراند ماركيز ,

محد حايفهمني الى الي عندهم جراند ماركيز

وعــزل الصوووت رائع بمعنى كلمه أحسن من الأكورد بمراحــل

يعني تمشي في الخط السريع 170 كأنك ماشي 110 في الأكورد

وأعتقد الي مساعد في النقطه هذي كفرات الميشلان

العريضه (ماني عارف مقاسها) ومقاس الجنط 17"

ويكفي انه أميركي ,,,

بس أكثر شي قاهرني فيها أنها تفصل على 181 كلم/س بالظبط

ليش ؟؟؟؟؟؟؟؟؟؟؟؟؟؟؟؟؟؟؟؟؟؟ مادري


والحراره قبل النص بشعره في ظهر في ليل داعس ولابشويش
الحراره نفس الشي ماتتغير أبدا",




المميزات التقنيه : (الي تهمني انا )
*فيها ABS

*مثبت السرعه , .

*وأربعه ايرباق والفل فيها سته ,

*ريموت سياره يشمل فتح وقفل الابواب وفتح الشنطه و جرس الانذار

*اللمبات الخلفيه ليــد LED

*وكشافات ضباب , ضعيفه في الأضاءه وحجمها صغير حقت الأكورد أحسن بكثـــير وقويه ,,

**لا توجد فلشرات على المرايات الخارجيه نفس الأكورد

هذه الصفحه فيها جميع المعلومات التقنيه :
2007 Mercury Milan - Features & Specs


كذه نكون أنتهينا من مواصفات المحرك والمواصفات الخارجيه .

ثانيا" : >>>

المواصفات الداخليه :

1- العداد كلاسيكي جدا" .

2- المسجل 6 سي ديات ويشغل MP3
وصوت السمعات قويه ويدخلك جوو .
ويشمل 4 سماعات و4 تويترات .

3- المكيف عادي ( الفل مكيفها الألكتروني)
المكيف ماشالله باارد جدا" حتى في ظهر بأخليه على رقم واحد
لكن عيــــبه الوحيد وأكتشتفته اليوم هو:
أذا كنت في خط سريع ماشي فوق 70 وفي ظهر
أذا دبلت الدعسه يفصـــل ويطلع هواء عادي من غير بروده
لمده 10 ثواني تقريبا" وبعدها يرجع لوضعه الطبيعي .

4- التحكم بالمسجل من طاره ,
تبديل الاغاني ورفع وخفض الصوت وتبديل الى او من موجة FM

5- اربعة حاملات للأكواب ,
2 امام و 2 في الخلف .

6- المقاعد جدا" مريحه وتميل للطابع الرياضي .

7- تحكم في المقعد كهربائي للسايق فقط .

8- المساحه للركاب الخلفيه كبيره حتى عند ترجيع المقعد الأمامي للخلف ,
مساحه جدا" كبيره أكبر من الأكورد ولكن
ولكن ولكن الشنطه (الدبه ) صغيره .
تعتبر ثلثي شنطه الأكورد .
ولهذا السبب المساحه الخلفيه كبيره .

9- تشتيت الضباب ,
للزجاج الأماي والخلفي و
حتى على المرايات الجانبيه .

10- الطفايه (حقت السجائر) خارجيه ,,
=لاتوجد طفايه سجائر في سياره
تجي نفس الكوب الخارجي ,
وهذي ماتفرق معايه لأني مادخن .

11- الطبلون فضي (منكل) .

12-شاشة معلومات كامله عن سياره تجي تحت عداد السرعه,
معلوماتها كالتالي :
كم كيلو مشيت سياره
TRIP A
TRIP B
ساعه لحساب الوقت المقطوع
مقياس للعد المتبقي للكيلو مترات بالنسبه للبنزين الموجود
كم صرفية البنزين لكل 100 كيلو (مومتأكد منها)
مقياس لظغط الكفرات (الفل أوبشن)

نجي للعيوب :
1-مافيه كاسيت . 2-المكيف لمن يفصل في الظهر.
3-السياره مره عاليه. (وهذا شي مريح في المطبات)