هآهو شخص جديد يدخل في مملكة العآشقين للجوهرة الرآئعة " مآكسيمآ " . .
أنآ ولله الحمد شريت الموتر قبل تقريباً شهر ومآحبيت أحكم عليه أو أطرح موضوع إلا بعد مآأجربه وأشوف وش مميزاته وعيوبه .. الموتر شريته مستخدم وكآن ممشاه بسيط جداً وتم فحصهآ والتأكد من أنهآ سليمة تماماً .. السيارة مآزالت بأكياسهآ يعني :)
الحقيقة الموتر يتميز بأشيآء كثيرة وبصرآحة فآقت كل توقعاتي لآ من نآحية سرعة ولآ من نآحية " رسآوة " ومتانة كبيرة في الخط يعني مآشآء الله السيآرة قمة في الثبات والإنسيآبيه .. طبعاً قبل إمتلاكي للسيارة كنت أستخدم مرسيدس والي يسوق مرسيدس يعرف وش معنى رساوة ومتانة .. بصرآحة لقيت هالامور متواجدة في المآكس وإنبهرت حقيقة ً فيهآ .. غير كذآ إستجآبة الموتر مآشآء الله من أروع مآيكون وتسرع سرعآت عالية ومآتحس فيهآ ..
بخصوص التكنلوجيآ أيضاً مميزة جداً خصوصاً الشاشة ونظام الملاحة الرائع بكل ماتعنيه الكلمة .. مقصورة
دآخلية غنية عن التعريف بإختصار الماكسيما سيارة تعدت حدود فئتها وبكل جدآرة وصآرت فئة لحآلها فوق من يدّعون أنهم منافسينهآ ..
طبعاً في الفترة المآضية إطلعت على عدة موآضيع في هالمنتدى الجميل والرائع بأعضآءه ومشرفيه وإستفدت كثير من نقاط كثيرة مذكورة بهالمواضيع سواء عن خدمات السيارة أو تكنلوجيا ووووووو .. طبعاً كآن لي تحفظ قليل بخصوص الحديث عن المقاومات ومدى قدرة السيارة في تعاطيها مع المنافسين .. يعني بعض الإخوان أبخس حق الماكسيما في المقاومات يعني بيني وبينكم جآني إحباط وحسيت إني غلطت بالإختيار أو مآشابه ومآكنت أدري إن السالفة تتعلق فقط بـ مدى الخبرة في التعامل مع السيارة وقت المقاومة وكيفية إستخدام الجير بالطريقة الصحيحة لآأكثر ولآأقل ..:)
مثلاً أخوكم في الله قبل كم أسبوع دخل شارع الملك عبدالعزيز لأول مرة بسيارته الجديدة و "خبرته = 0 " في المقاومات وتقاوم مع مواتر لهآ إسمها وثقلهآ .. بدون فك مآنع الإنزلاق والوضعية على الـ D تم دعس كآبرس V8 2006 + تشارجر v6 2010 معدل + كاديلاك DTS " من الصفر " وبفارق كبير بعد .. غير كذا كآن فيه SRT8 ماشي قدامي وفجأة دعس ويوم شفته دعس قمت دعست " يعني دعست بعده " ومع كذا الفارق بيني وبينه واحد طوال المقاومة وكنت اقرب منه شوي شوي وأجزم لو إن الخط أطول كن جبته .. تقريبا دعست وأنآ مسرع 50 على مآأتوقع وعلى الـ D وبدون فك مانع الانزلاق .. الموتر مآشاء الله نشيط وأشوف إن الكثير أبخسه حقه في المقاومات وأنا أجزم أنه لو عُرفت الطريقة الصحيحة والمثلى في المقاومات واللي مآزلنا نتعلمها بإلإمكان دعس كثير من المواتر ..
عموماً آسف على الإطآلة وهذآ مآكآن في جعبتي عن السيارة ويشرفني توآجدي بينكم إخوآني ..
أخوكمـ الجديد / محمد .
03-26-2011, 02:16 AM
المواضيع المتشابهه
العرض العادي
