سلام عليكم ومسيتة بالخير وايش الحال يارجال قبل يومين تقريبا أنا ويا واحد من الربع كنا نفتر المعارض على موتري الأرمادا 2007 se دبل المهم حصلنا الجيوب طايرة أقيامها فوق بالسمااذا مامعك فوق 220000 ميتين وعشرين ألف لاتطب المعارض اركد وامسك أرضك الباترول الجديد أبو 400 حصان ولاهو بفل بعد درجه أولى بي 235 ألف ريال ليه طيب الاند الفي اكس ار 2011 الفل يوصل 300 الف ريال ويش العذر يقولون كل هالغلا من ورى ذا الزلزال شف كيف يتلاعبون بعقول المواطنين مع ان اليابان صرحت ان الزلزال أثر فقط على بعض مصانع المحركات فقط المحرك مصانع السيارات نيسان وتايوت المنتجه للسيارات تكون خارج اليابان تحسبا لأي طارئ ولن يؤثر على المبيعات ويجي لك واحد غبي ولد حرام يتعذر بالزلزال وللعم تم رفع الأسعار بنسبة 30% كانت البدايه 10% وزادوها 30% باقي بس 20 وتصير النص شارف على الدبل شف كيف فن النصب والاحتيال ويوقلون ان في لجنة مراقبه تراقب التلاعب في الأسعار والضحك على المواطنين ياعمي روح موت بس المهم ماعلينا ايه هههههههه أكثر شيء ضحكني التاهو تخبرونه أمريكي زين حصلنا 2011 جديد ال تي بي 138000 ريال طبعا دبل وسألناه ليه ارتفع 4000 ريال قال شوفوه وش قال قال ايه لأن الكفرات يابانيه اخخخخ اي والله بالحرف الواحد يقولها وهو مستانس ويضحك المهم ماعلينا نعود لمحور حديثنا ياشباب بينما حنا نفتر على الأرماد موتري 2007 وقف عندنا واحد ونشدني الموتر للبيع قلت له للبيع قال راح بي 80000 قلت تراه دبل قال شاور نفسك ولافيه حد علمنا بحدك لصار انه حول سومي علما بأني ماني بياع ولا طببته المعارض ويالربع عينت لكم أرمادا 2004 أمريكي تكساس نوعه أووف رود مصمم للبر فقط توايره وجنوطه وسلته مادري كيف هي قايله ماشي 50000كم طبعا هو ميل بس بعد ماحسبها لنا ونظيف بس فيه رشه مع زاية الصدام الخلفي تدرون بكم بي 60000 آخر سومه له قدام شهر المهم هاذي معلومات للفايده عن وضع الأسعار وكيف السوق ماشي وانشالله أي جديد راح نعلمكم به وشكرا لكم
05-11-2011, 08:09 PM
المواضيع المتشابهه
العرض العادي
