السلام عليكم
في آخر تجييك للسيارة (65000 كيلو) اتصلوا فيني من الوكالة وقالولي سائل القير (Fluid) بحاجة للتغيير،، عطيتهم الموافقة على أساس إنهم فاهمين،، بعدما خذت السيارة وعقب يومين من الاستخدام لاحظت إني يوم أحول القير من P للـ R يكون يابس وفيه مقاومة وكأنه مش مشحم،، ورجعت لي الطقة الغبية،، شو أسوي؟ أرجع لهم ولا أوديها مكان ثاني لأني طفرت منهم!!!!!
وثاني شي يوم أمشي على شارع غير معبد تطلع أصوات غريبة عجيبة تقول موديل 1960 ،، قلتلهم المشكلة وجيكوا على كل شي (على قولتهم) ومافيها أي مشكلة وكالعادة بعد يومين رجع الصوت الغبي مع احترامي للقراء،، شو أسوي أشتكي أضاربهم ولا شو بالضبط!!
بصراحة خدمة تقهر وترفع الضغط من الفطيم!!!!
مع العلم بأن الموتر بعده عالضمان!!
08-15-2011, 01:05 AM
العرض العادي
