ي شباب انا اعاني معانه لا يعلم بها الا الله ومن ثم مجرد معاناتي
كرهت السيارات والطيرات والقطارات والباخرات وتمنين البغول وزمن الجمال والدواب
والله العظيم ي اخوان اني تدمرت وبسرد لكم حالتي وابي منكم النصح والله يكفيكم شر ماوقع بي
انا ي شباب شاب اشتريت لي افالون 2008 سعودي , وقررت بعدها ارتب وضعي من كل الاحوال لجل اقدم علي الزواج
والحمد لله ربي يسر لي وتدينت من البنك وتسلفت واستاجرت شقه واثثت واستاجرت قصر وحجزت امور الزواج من ومن ومن اللي تزوج يعررفها ورحت اشتريت ذبايح وامابقي الا انه يحين اليوم الموعود يوم زواجي بس قدر الله وماشاء فعل قبل زواجي بثلاثة ايام يخبط علي الجربوكس واتوهق واتمرمط وتتلخبط اموري
رحت شحنتها سطحه للشركه وياويلي منهم قالو لي جديد ب 23000 الاف تبي توضب ي عريس ادفع 18000 وانا والله مابقي تحتي ولا فوقي فلوس
قلت خلها بحريقه واستاجر سياره وقم بزواجك وبعدين ارجع وتذكر ان لك سياره
المهم ماابي اطول عليكم
انا رحت ووضبت الجربوكس والحين وبعد الخساير الجربوكس تمام بس احيانا يعشق الريوس واحيانا مايعشق علي كيفه بس الاكثر انه يعشق
السؤال ي شباب يرحم امكم انا ماوضبت بالشركه وضبت عن افغاني في المقرح التشليح ومدري عنه شكله اخترع لي جربكس ب التميس الملبلب
هو ليه مايعشق واحيانا يعشق قال لي حبيبنا الافغاني المشكله بالكهربه وش وضع كهربة الجربوكس ووش تنصحوني فيه هل يمكن الكمبيوتر خربان ولا هو دام يعشق تمام وقوة السياره ماعليها انه موضوع كهربائي بسيط ولا وش السالفه
اللي جرب يعلمني وش الوضع اللي وضب جربوكس ويعرف او عنده خبره يعلمني
واللي مايعرف ويبي يتفلسف حياه يجي ويعلمني لان نص اللي في الورش يتعلمون علينا اليوم صاررحني الافغاني وقالي انا اول ماجيت السعوديه سبع سنين اشتغل في محل رز بخاري واللحين بعد ماقفل المطعم تعلمت تصليح الجربوكسات الله المستعان بس انا ابي الشوووووووووووور ي الربع تكفون ابو رز بخاري تورطت معه
وابي شوركم .... لا لا لا لا لا لا لا لا لا لا لاخلا ولا عدم ي حبايبي
09-19-2011, 11:17 PM
العرض العادي
