مساعده افكر اغير الافالون ومحتاجكم

السلام عليكم

هذي اول مشاركه لي معكم مع اني كنت متابعكم منذ تقريبا سنه

بدايه احب اشكر الاداره والاعضاء على الشغل الجبار والتقارير الي كثير افادتنا نحن ملاك الملكه

انا امتلك افالون 2011 xl من اكثر من 6 اشهر مشيتها 15 الف وشويات كانت ولا زالت ملكه لم اعاني من اي حاجه ولله الحمد

لكن ما ارتحت بالسياره لانك تحس انك ناقص تمنيت اني اخذت ليمتد لانها من جد ملكه

قبل كم يوم طلع خالي هوندا اكورد 2012 اربعه سلندرلقيت فرق كبييير وواضح بالمواصفات تتفوق فيه هوندا

اولا فرق السعر الهوندا ارخص

ثانيا فتحه سقف وهذا الي ينقص الافالون واهم شي بالنسبه لي ولشكل الافالون

ثالثا الهوندا جلد والافالون مخمل

ثالثا تسخين المراتب في الهوندا

رابعا المفاتيح الهوندا ريموتين ومفتاح عادي بينما الافالون ريموتين

خامسا تسفيط المرايا وهذا ما تفتقده الافالون بجميع فئاتها


تميزت الافالون بوجود زينون وهذا تعجبت منه الهوندا فل بدون زينون

مراتب الافالون اريح مع اني مالقيت فرق كبير

الشكل الخارجي والناس اذواق انا كلها معجبتني لكن الافالون افخم

الحجم اعتقد ان الافالون اكبر واوسع من داخل وهذا ما فرق معي



والله قلبتها في راسي ابيع موتري وازود الفرق واشتري الهوندا لكن ما اعرف كم راح يجيب لي موتري لان توي طالب والوالد الله يحفظه والله مايزيدني لو ريال لانه ما يحب الخربطه

اذا شريت هوندا راح اكسب المواصفات ورراح اخسر فخامه واخسر السياره الي حبيتها

اذا جلست على سيارتي فاكيد راح اكسب ملكه لكن لايوجد اصعب من انك تخسر احترامك لنفسك اجلس بحسرتي طول عمري لاني اكيد ماراح ابيعها بعدين لانه بيطيح من سعرها كثير وانا مافيني زود خساير


ولكم ودي واحترامي

الموضوع الأصلي: مساعده افكر اغير الافالون ومحتاجكم || الكاتب: تويـوتا || المصدر: عرب موتورز

المصدر: عرب موتورز arabmotors موقع السيارات العربي الاول