حبايبى ناوى على فكسار 2012 ان شاء المولى واراد:SnipeR (65):
...والصراحه هالسياره موصفاتها كثيره والموردين كثر وحتى الناس اللى يقتنونها اراءهم فيها مختلفه ....بصراحه حاولت افاضل بين الموردين المحلليين علشان يصير فيه نوع من التركيز فى الموضوع ومقارنه عادله كونهم متقاربين كثير فى السعر ...نبدا بسم الله ...
ابو جميل ....اسم كبير وهو المورد الاكثر شهره واوسع انتشار ومراكز الصيانه متوفره ..ايضا عنده خاصيه التشغيل بالرموت وكت خلفيه وصدام امامى (بعض الناس يعتبروها عيب )
عيوبه ......التأخير فى التسليم والمماطله وفيه ناس تسقط على ناس فى الدور وحتى قائمه الانتظار قائمه يدويه وتحس انك فى مخبز تنتظر تميس مو سياره قيمتها حوالى 300 الف ...الشى الثانى الزيق الامامى احسه نازل ومعطيها لوووك سبوت يمكن ما يناسب الشيبان اللى مثلى وممكن ينحك فى هالارصفه اللى تلقاها مره طويله ومره قصيره (الله من قلت السنع ) ويبيخ شكله ...الشكل اجمالا اقل فخامه من اليحيى لانه مقابض الكروم والاطار الكروم الخلفى والاصطبات الخلفيه المطعمه بالكروم تعطى فخامه مقبوله جدا وغير متكلفه ...وايضا الازياق الجانبيه مره شكلها بايخ ومالها داعى .
الديفى دى فى الاثنين مكانه غير مناسب بس يبدو لى ان الديفدى حق ابو جميل اشيك وانحف شوى وشكله ارتب .
اليحيى فى الطرف المقابل منافس محلى قوى وشكله افخم من ابو جميل بتطعيمات الكروم فى اماكن كثيره من السياره ...بس لو لى خيار كان طلبت المرايات الجانبيه بلون السياره زى ابو جميل (اشوفها راح تكون ارتب ) ايضا اشوف انه الدعاميه الاماميه مخربه شكله شوى ...ويمكن الاستغناء عنها ...العيب اللى اشوفه جوهرى هو خاصيه التشغيل عن بعد واللى حاولت اقنع نفسى انه بأمكانى اضافتها بعد الشراء بس وجدت بعد البحث انه هذا الامر صعب حتى فى الوكاله ...العيوب المشتركه فى الاثنين هى الاربع كميرات والرادار والتخزين لاوضاع المقاعد ....يمكن نسيت امور اخرى :SnipeR (97):....ذكرونا فيها يا شباب وعطونا علومكم وتجاربكم بعد الشراء من الوكلاء واذكروا الايجابيات اللى تشوفونها والسلبيات ايضا ولو كان فيه اختلاف فى بعض الامور الشكليه فلا بأس لان المسأله احيانا تكون اختلاف فى الذوق فقط وليس المضمون ..الموضوع منكم واليكم والسلام عليكم :SnipeR (54):
04-25-2012, 10:13 AM
المواضيع المتشابهه
العرض العادي
