لا مش هحط صور ,,, خليها للاخر بعد الاخبار :HAPPY_~211:
عديت النهاردة علي التوكيل ( الهندسية للسيارات ) و كمان شركة (ناشيونال موتورز) اللي عندها الخليجي الجديدة ,,,
في التوكيل ,,,, فاضل من الشكل القديم عدد 2 عربية ,, و الشكل الجديد هينزل في زمن اقصاه شهر ,, يعني علي اول شهر ديسمبر بإذن الله ,,, و سعرها هيزيد من 110 الف جنيه الي 120 الف تقريباً ,,,, ده كلام الناس اللي في التوكيل ,,,,
اما شركة ناشيونال موتورز ,,, العربية كانت نزلت عندهم في الاول زي ما هي موجودة في الموضوع
** حصريا تغطية وصول السيات ابيزا الجديدة - الأراضي المصرية **
و بشكر صاحب الموضوع بالمناسبة ,,,
العربية كانت في الاول عندهم زي الموضوع بالظبط ,,, 1400 سي سي و من غير جنوط ,,, و سعرها كان 102 الف تقريبا ,,,
دلوقتي نزلت النسخة اللي المفروض هتنزل في التوكيل ,,, 1600 سي سي نفس موتور ال ميني فابيا و الفولكس جيتا و نفس ال جير بوكس ,,, اوتوماتيك تيب ترونيك مش ايزي ترونيك زي ما الراجل اللي هناك فاهم :HAPPY_~211: ,,,,
بس لما قلتله اني عديت علي التوكيل و انهم قالوا ان الشكل الجديد هينزل في خلال شهر ,, حسيته قلق و قالي بس عندهم هتبقي اغلي و كمان هيشيلوا منها ال كروز كنترول و ال مالتي فانكشن ,,, و كان بيسألني حضرتك هتحجز دلوقتي ,,, و حسيت بقلقه اكتر لما قلتله لا ان شاء الله في شهر يناير ,,,
و في التوكيل الراجل اكد علي انها هتنزل بكل الكماليات بتاعتها اللي بتنزل بيها برا و ده سبب ارتفاع سعرها ل 120 الف
بس ممكن تشوف العربية عند ناشيونال موتورز ,,, شوفت منها اللون ده هو حاجة كده لا اصفر ولا اخضر ,,, بس بجد شكله مميز عليها رغم اني عمري ما كنت اتخيل اني ممكن اعجب بعربية باللون ده
,,,, لون تاني نبيتي بس شكله علي الطبيعة احلي من الصورة ,,,
العربية واسعة ,,, و مش ضيقة من عند الكنبة اللي ورا ,,, لاني رجعت كرسي القيادة للخلف ,,, و قعدت وراه ,,, اه المسافة كانت بين رجلي و بين الكرسي مفيش ,,, بس برضو ما كنتش خابط برجلي فيه ,,, انا طولي 178 CM ,,, بس لو حد اطول من 180 هيتضايق لو السائق مرجع الكرسي جامد ,,, و بعدين نساع بعضينا عيب ptmnlo123per1127
مميزات و كماليات العربية ,,,,
اتوماتيك تيب تروينك 1600 سي سي ,,, عجلة قيادة يمكن تعديل وضعها لاعلي و لاسفل و للامام و الخلف (حسيت ان قطرها صغير شوية عن العادي ),,, راديو و سي دي ,,, ABS & EBD لانظمة الفرامل ,,, كروز كنترول ( مثبت سرعة ) ,,, 2 اير باج ,,, جنوط 15 و كاوتش عريض مش عارف مقاسه ,,, العربية واخدة 5 نجوم في اختبارات الامان الاوروبية ,,, ( الجزء الاخير ده يخليها تفرق عن اي عربية كوري )
11-16-2009, 10:22 PM
المواضيع المتشابهه
العرض العادي
