صيانة الحمراني والمدير

صيانة الحمراني والمدير

بسم الله الرحمن الرحيم

السلام عليكم وررحمة الله وبركاته

كيف الحال ياشباب أخباركم علومك وش مسوين

تم بعون الله إدخال السيارة الحمراني في

يوم السبت وتجربة

صيانتهم وكان الإستقبال

مرررره سيء يعني تتعبت عشان

يستقبلونك في مهندسين استقبالهم سيء وفي مهندسين

أستقبالهم حلو بس في مشكلة

أنه عدد المهندسين قليل وعدد العملاء كثير وفيه

مشاكل كثير يعني طول ماكنت هناك

أسمع العملاء يشتكون غير اني يوم كنت عند المهندس

المهندس طلع كرة سيارة وقال لأحد

العمال هاذي السيارة عندنا صار لها كم يوم

ولازم نسلم السيارة اليوم والسيارة ماسوينا لها

أي شيء حتى قطع ماطلبنا ولا شيكنا عليها

شوفلك صرفة معه العميل إذا جاء بالله عليكم هاذي

صيانة هذا كلام صيانة يعني السيارة

لها فترة عندكم وش يسوون فيها وفي واحد ثاني

جاي عندهم من الجبيل عندي التيما

مكينتها ضربة ويقولهم انه ماعندهم فروع

صيانة وجايب السيارة على سطحة

وقال للمهندس قدامي الحين اللي موتره

مكينته طقة وجاي من الجبيل كيف وضعه

يرووح مشي رد عليه المهندس

وهو يتكلم من طرف خشمة أي يرووح يمشي

بس الرجال ماقصر راح اشتكى

عند المدير على أسلوب المهندس طبعا

خذتني السوالف ونسيت اذكر لكم

مشكلتي طبعا دخلت السيارة عندي كم مشكلة

الا وهي تهريب زيت واصوات مساعدات

وحساسات أوقات تعلق يكون مافي شي وراي

وتسمع صوتها شغال معلق المهم دخلت

السيارة وشيكوا عليها وضبطوا على كلامة

المشكلة في مسمار السرة كان تركيب

غلط مما أدى إلى كسر المسمار وتم تصليح

العطل وبالنسبة لصوت المساعدات قالي

في الصيانة الجاية وبكرة بيشوفلي

سالفة الحساس ليه يعلق المهم قلتله طيب حلو

كم تكلفة الصيانة قالي تقريبا 500 ريال

إلى 600 ريال قلتله طيب انا عندي

وعلى طول تذكرة انه حنا سوينا

تجمع وجاء مدير الفرع مادري مدير

أيش المهم عطانا خصم 30 بالمية

وذكرتله السالفة قال أووه انتوا

قروب نيسان اريبيا قلت ايه وانا مبتسم :dhh:

قالي لحظة شوي جاب لي المدير وقاله

الرجال يقول انت معطي قروب نيسان

اريبيا خصم 30 بالمية عشان التجمع

اللي سووه ناظر فيني المدير كذه :doubt:

قالي مين اللي عطاك خصم وكيف

قلتله أنت بنفسك قالي انا متى قلتله

يوم سوينا تجمع قالي أنتووا سويتوا

تجمع ليش طيب يعني أنا اللي قايل

لكم قلتله لا أحنا سويناه وجيت انت وقلت

لنا هذا الكلام قالي ماصار هذا الكلام

قلتله إلا قالي طيب مين اللي عطاكم قلتله

انت قالي انا ماعطيتكم طيب متى سويتوا

التجمع قلتله قبل كم شهر قال طيب وين الورقة

اللي عطيتكم أياها حقة الخصم قلتله ماعطيتنا شي

انت خليتنا نسجل اسامينا ونوقع وبس قالي خصم

30 بالمية ماقدر اعطيك أياه وانا ماقد شفت قروب

نيسان اريبيا اللي تقول عليه ولا اذكر

صار تجمع هنا قام قال المهندس الا هم سوو

تجمع وصوروا معنا و و و وانت قايل لهم

بس سالفة الخصم مادري كم بالضبط

قال أنا ماأذكر هذا الكلام خصم 30 بالمية هذا

موظف عندي يمكن افكر أعطيه أووما عميل

اعطيه خصم 30 بالمية مستحيل اسويها قلت

له عندي أثبات انك انت اللي قايل هذا

الكلام وانت مصور معنا قال انا مصور معكم

طيب ورني الصورة قلتله الصورة ماهي عندي

بس لو تبيها بجيبها لك قالي تبي خصم

انا أسوي لك خصم بس سالفة اعطيك

خصم 30 بالمية هاذي مستحيلة تعالي

لمن تخلص سيارتك وابشر بالخصم بس 30

بالمية ماقدر أعطيك المهم دقيت سلف ومشيت

وانا وجهي كذه :nothing_to_say: وعرفت

انه المدير نصاب والكلام كله اللي صار

في التجمع كله كلام فاضي واتوقع الرجال

صور وسوى زحمة عشان تجيه ترقية أو شي

على حسابنا والرجال الكلام اللي قاله كله طلع

كلام فاضي ولعب علينا ولا استفدنا شي وإنشاءالله

موتري يطلع بكرة وحسبي الله ونعم الوكيل في

المدير النصاب والصيانة التعبانة

وتوقعت صيانة الحمراني بتطلع 10 \10

بس للأسف طلعت مخيبة للأمال

واشكر كل من مره على موضوعي

وأدري أني تعبتكم معي بس حبيت

تشاركووني مهزلة الحمراني وصيانتهم

وكلام المدير النصاب

محدثكم أخوكم : مشعل

الموضوع الأصلي: صيانة الحمراني والمدير || الكاتب: نيسان 1 || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

wdhkm hgplvhkd ,hgl]dv