معلومه اذا تبي تغير زيت الكامري بنص السعر ادخـــل هون

معلومه اذا تبي تغير زيت الكامري بنص السعر ادخـــل هون

السلام عليكم


ادري الموضوع يمكن يكون مكرر





كرتون من حقين الجمله الي في البطحاء (الرياض) ب 225 فيه 24 حبه زيت بترومين نفس الي يغيرونه في المراكز حقت بترومين
وفي نفس المحل بتحصل سيفون (فلتر ) كامري ب 12 ريال عند الوكاله ب 18 ريال تراه نفس حق الوكاله بالضبط
شغل يد تغيير زيت 15 ريال (ترى فيه بعشره )
يالله نحسب حق التغييره الوحده
او شي نحسب حق العلبه الوحده
سعر الكرتون 225 /24 حبه = 9.37 ريال للعلبه الواحده
طيب الكامري تاخذ 4.5 علبه من السيفون
يعني نقول 4*9.37=37.48
طيب حق نص العلبه نحسب نص ال 9.37 =4.6 ريال
4.6 ريال (حق نص العلبه) + 37.48 (حق 4 علب ) =42.16 ريال حق الزيت كامل
يعني


--- 42.16 حق الزيت
+ 15 حق السيفون
+ 15 شغل اليد
------------------------------
72 ريال تقريبا


* ملاحضات
1- الزيت المستخدم زيت بترومين سوبر اكسترا ابو علبه حديد
ترى شركه بترومين هي المصدر لزيوت المنقطه كلها
علا فكره تراه نفس الزيت المتسخدم في مراكز بترومين اكسبرس :)
2- السيفون (الفلتر) اصلي خذيته معي لقطع غيار ابو جميل واسال السعودي هذا اصلي قال ايه ركبه وماعليك سالته كم عندك تصدقون ب 18 ربال :SnipeR (1):
3- قبل مااغير مريت بترومين واسال ابو فلبن كم تغيير الزيت تصدقووون 128 ريال حسيت معي فراري
4- الي يقول غير عند الوكاله وريح راسك والي يقول بترومين اكسبرس
ارد عليه ياناس لاتغركم المظاهر
الوكاله سعرهم تقريبا 100 ضعف طريقتي هذي ولامنهم فايده غسيل (توصيخ) السياره وتشحيم الابواب الي اشغلو امي عنده ويحوسون علي السياره بها الشحم الله يشحم راسهم
بترومين اكسبرس ديكورات ودلع من جيبك
ياحليل خويي ابو هنود تصدقون يغير الزيت بربع ساعه والله معامله 5 سنين وسياراتي من احسن مايكون



*** تعليق على نوع الزيت من واقع تجربه على سيارتي القديمه كابرس 8V 2005
بعد ماوصلتها 100 الف وسرقني الوكيل لين شبع علمني واحد بها الطريقه وبها الزيت
اقسم بالله السياره صارت من احسن مايكون واستمريت على هالطريقه 5 سنوات وتعرفون نوع هالسياره كيف حساس مره
ومشت معاي السياره الى 280 الف كيلو ( كديتها صح ):SnipeR (44):بدون اي مشاكل و ابشركم والله تنشطت السياره لايغركم الدعايات كاسترول وطقته



+++ على فكره الكامري اول ماطلعتها كنت اشتكي من صرف البنزين مع هالطريقه الحمد لله صارت اقل صرف وبشكل ملاحظ بقوه

حبيت اريح جيوبكم شوي من هالحرميه
الوكيل ابو جميل + بترومين اكسبرس + قلف حق نيسان +اي سي ديلكو حق الجميع = طفره بدوون فايده


128-72= 56 ريال واااااااااااااااااااو حراميه هذي حقت فوليين تانكي البنزين
وبالوفيق

الموضوع الأصلي: معلومه اذا تبي تغير زيت الكامري بنص السعر ادخـــل هون || الكاتب: تويـوتا || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

lug,li h`h jfd jydv .dj hg;hlvd fkw hgsuv h]oJJJg i,k