أخواني انا اليوم رحت معارض العوير ادورلي جي 55 .. موديل 2008-2009 .. صراحة مالقيت غير واحد نضيف شوي بس لونه مادخل مزاجي .. ولقيت 2008 بس ماشيات فوق 100 الف .. وانا صراحة ماحب اخذ سياره ماشيه اكثر عن سيارتيه الي استخدمها انا .. المهم مابطول عليكم فالسالفه .. لقيت اسعار 2009 اقل شي 385 - 370 .. وكلهن ماشيات 45 الف وفوق .. ف اتصلت بوكالة الامارات للسيارات .. وسألتهم عن سعر الجي 500 .. قالولي من الاخر ب 393 .. فقلت ليش ماخذلي 2011 .. ويكون زيرو على استخدامي انا وضمان 5 سنين !! .. واركبله كت 55 .. الحين السؤال يا شباب .. الي مستخدمين .. الجي 500 .. شو رايكم فيه هل فيه هبه ؟؟ واضني هوه 383 حصان اليديد مكينته 5.5 إذا غلطان حد يصححلي المعلومه .. وهل يستاهل انه الواحد ياخذه بهالسعر من الوكاله .. لاني سألت واحد من الشباب قالي الجي 500 مب مرغوب نفس الـ 55 .. ويقولون الجي 500 اريف عن الـ 55 هل هالكلام صحيح ؟.. يا جماعة ارجو الافادة لانه السياره فخاطريه وابا مشورتكم ..
07-27-2011, 08:20 PM
العرض العادي
