تنظيف الثروتل بودي altima 2008 2.5 وصور..

السلام عليكم ورحمة الله وبركاتة
كيف حالكم جميعا
قبل فترة نزلت موضوع عن مشكلة للاربي ام عند تشغيل السيارة وهي باردة وهذا هو الفيديو



وقلت شكلة من الثروتل وسئلت صاحبي وقالي نفس الكلام قالي نظفه ويروح

المهم شريت منظف الكربوريتر لان ما حصلت ولا دورت في كل مكان > كسول

انا ما انصحكم تنظفوه بالمنظف هذا

فيه منظفات خاصة للاثروتل بودي

وهذي عينات




والعملية جدا سهلة

الادوات : النكي مقاس 5 مللي + سكروب عادي + قطعة قماش من النوع الناعم لاحد يستخدم النوع اللي فيه خيوط + واحد من الشباب عشان دوسة البنزين :dhh:

(افصل سالب البطارية للسفتي)
1-اول شي نفك غطاء المكينة



2-بعد الفك



3- الحين ناخذ السكروب ونفتح البلوط المأشر عليه ما يحتاج تفكه كامل ارخي عليه فقط



4-بعد الفك ارفعه فوق (ما يحتاج تفك الحساس)



5- هذا شكل الثروتل طبعا هذا بعد التنظيف والمكان اللي ماشر عليه كان فيه وسخ



وهذي طريقة الرش (الصورة سارقها من قوقل السموحه بس اني منظف وخالص) طبعا السيارة مو التيما مدري وشهي خخخ


ترش في الثروتل اول شي وتمسح بالقماش (سوري هالخطوات مو مصورها)

والحين تخلي الواحد من الشباب يدعس على الدواسة كلها ولا يفكها عشان لا تروح اصابعك

ورش داخل الثروتل وامسح لين ما تحس انه نظف

رجع كل شي محله وانتظر من 10 الى 15 دقيقة

قبل لا تشغل افتح على ON وطفي كرر العملية خمس مرات > قريتها من السرفس منول

وشغل طبعا بتشتغل بصعوبة بسبت المنظف وبتشوف دخان شي طبيعي وخلها شغاله لين ما تحس ان الوضع رجع طبيعي وخذ فيها كم مشوار ودعسة عشان يروح تأثير المنظف

هذا فيديو لسيارتي بعد التنظيف طبعا السيارة باردة



ان شاء الله استفدتو من الموضوع ولا تروحون للورش وياخذ منكم ذاك المبلغ عشان شغله 5 دقايق

الموضوع الأصلي: تنظيف الثروتل بودي altima 2008 2.5 وصور.. || الكاتب: نيسان 1 || المصدر: عرب موتورز

المصدر: عرب موتورز arabmotors موقع السيارات العربي الاول