معلومه فن القومات من الزيرو..

الاشياء الثانية الي لازم تسويها وانت راكب في السياره وقبل القومه بالزبط ../

1- تطفي اي كهربه ما تحتاجها مثل المسجل الانوار واي شي يسحب كهرب او يحتاج كهرب ومو ضروري في القومه

2- تترك السياره في الفاضي يعني مو معشقة وادعس بنزين بس مو للاخير لا يعني وصل الار بي الى
3 او 4 او بالكثير 4.5 وبعدين الدعسه مو متواصله يعني دعسه ورفعه دعسه ورفع كذا مرره وبعد كذا دعسه بطيه الين يوصل الار بي الى 6 او 6.5 بس لا تضغط مرره .

3- بالنسبه للقير العادي شوف الاربي الي اذا كنت داعس عليه والسياره ما تفحط فيه كم مثلا :

سياره اذا دعست الين 7 في الابنص وعشقت تفحط لاكن اذا كنت داعس على 6.5 وعشقت ما فحطت تقوم في الحاله هذي وانت داعس على ال6.5 لان كذا تكسب الوقت لان اذا فحطت تضيع شويه لان فيها رجعة دعسه وفيها نتقه ماهي حلوه الا(( الي مركبين تيربو )) بالعكس امغطها الين يقطع البخاخ وقوم لان بالطريقة هذي يشتغل التيربو كامل على حسب لفات العمود .

4- بالنسبة للقير الاوتو فلهذا القير طرق كثيره على حسب الشركات فيه شركات سياراتها فيها مانع انزلاق وبعضها حلو مثل الكابرس فانت تشغل المانع وتنطلق وفيه شركات مانع الانزلاق ماهو قد كذا مثل الفورد الي يقل التسارع اذا شغلت مانع الانزلاق

المهم بالنسبة للتمتيك نقدر نقول ان افضل طريقة هي انك تعشق السياره في الدي وتبقى داعس فرامل..
ومع دعسة الفرامل تدعس بنزين بس مو تكتم وبعد السباق تروح توضب القير لا دعسه متوسطه
ومع القومه تفك الفرامل او تكون حاطه في الn وداعس تقريبا الين 2.5 او 3 ومع القومه تعشق الd

بالنسبة للتيبو ترونك ما يفرق عن التماتيك شي في القومه لاكن حاول تلاحظ وتحفظ المكان الي عنده يقطع البخاخ بالزبط ولازم تكون متاكد انه يقطع عند المكان الفلاني وتعشق قبلها بثلاث شرطات علشان تعطي الجيربكس وقت للتعشيق لان استجابته مو زي العادي

مثلا يقطع بخاخ سيارتك اذا وصل العداد حق الابنص 8 فانت تعشق على ال على 7.7 وفي سيارات بطيئة في التيبوترنك زي الزووم مثلا فانت تعش على ال7.6 يعني تسبق بشرطه .

انتهينا كذا من الاشياء الي انت تسويها باقي اشياء لازم تتاكد منها وتفررررررق كثير../

* لا تروح تقوم بالسياره وهي فل بنزين افضل شي تكون ربع تانكي لان البنزين له حجم ومو خفيف

*لا تروح تقاوم وانت مركب معاك عيال الحاره كلهم في السياره لان الحجم يفرق معك

*وتاكد من كفرات سيارتك وظغط الهواء ولو تعبيها نيتروجين وتزود الظغط يكون افضل يعني مو تروح تحط الظغط 100 لا خلي ظغط الكفر من 45 الى 50

*واذا انت مركب جنط كبير وعندك جنط اصغر ركب الاصغر لانه اخف على السياره ويفرق في العزم معاك كثير

*حاول قد ما تقدر تكون في استقامه من نقطة البداية الى نقطة النهاية

*ولا تراقب السياره الي قامت معاك حتى لو انت معديها ركز على نقطة النهاية وعلى الطريق والمفاجئات الي فيه وركز على عددات سيارتك

*اذا كنت متفق انت والي تقوم معاه على مسافه طويله مثلا خط اكثر من ربع ميل واكثر من كيلو مثلا طريق نادر احد يمشي معاه وطول الطريق هذا حواالي ال5 كيلو وبتجيبون الطبلون حق السياره..

فهذي الطريقة الي باقولها تنفع بس بشرط ان يكون طبلونك قريب من طبلونه يعني مثلا كامري 2008 وكامري 2008 وشفت انكم بتوصلون مع بعض حاول تجي وراه قبل خط النهاية ب200 متر على الاقل..
وتكون قريب بس مو تلحم يعني مسافة متر الى مترين كذا هو بيشق الهواء..

وانت وراه وممانعة الهواء بتكون في وجه سيارته هو وكلنا نعرف الانسيابية وتاثير وبتلاحظ انك قاعد تجيبه وشوي وتصدم فيه وهو شاد بس الهواء يقلل شدته بس انت لا واذا قربت من النهاية اكتم للموتر ولف قبل لا تصدمه وبتلاحظ ان سيارتك شدت وتعديته بس لو سويتها بدري اضمن لك بعد كم متر بتكونو في نفس المستوى...

اعذروني على الاطاله لان الاشياء الي قلتها كثير وكل شي منها يعتبر موضوع مستقل بس حاولت اجمعها للفايده..

باقي اهم حاجه انتبهو من المرور السري ومن المرور العادي لان لو طبقوكم بتتمنون انكم ماطلعتو من البيت في ذاك اليوم واسالو الي قعدت سيارته في الحجز 3 اسابيع علشان دعس وسمع العسكري الدبه..



--------=

انتهى طرح الاخ مشكورا ً..
وإن شاء الله تكون تمت الفائدة للشباب في هالامر..

وان بغيتوا الصدق..كلنا نعرف ان السرعة خطيرة..
بس اللي يتحمس..ابي اوصيه ان بغى يخاطر..لايجازف..يخاطر بس.. :$