في البداية أحب أشكر جميع القائمين على هذا المنتدى الرائع من مشرفين وأعضاء
صارلي فترة أدخل المنتدى زائر واليوم قررت الإشتراك معاكم
في البداية أحب أخبركم إني حجزت 5.7 فل أوبشين موديل 2012 وارد الفطيم لون لؤلؤي لكن صراحة متخوف من صرفية البترول والصيانة
وكنت متردد وايد لأني حجزت 4.6 فل أوبشن في البداية لكن المحرك جديد ومافي معلومات عنه وأول دفعه، بعدين غيرت بعد الإستخارة وبعد لان كثيرين نصحوني ب 5.7 علما أن هذي أول مرة أشتري لاند كروزر
أنا إستخدامي شخصي وللعائلة مدينة وخطوط ونادر أروح البر يمكن مرة بالسنة
طبعا عملت بحث طويل في الانترنت لكن ما حصلت معلومات وافية عن صرفية البترول مقارنة ب 4.7 و 4.6 وأسعار القطع الإستهلاكية للمحرك، سألت الوكالة وما عندهم أي أرقام لإستهلاك الوقود سواء للمحركات القديمة والجديدة ، سألت عن أسعار التجييكات قالوا لي نفس الشي للمحركين على حسب كلام الموظف وما حصلت إجابة واضحة، طبعا هالأسئلة مهمة بالنسبة لي لأن أجباري أجيكها فالوكالة لمدة 5 سنوات عشان ما يروح علي الضمان مفتوح الكيلومترات.
شو رايكم بالموتر هل يعتبر أفضل من 4.6؟ وصرفية الوقود إذا حد عنده خبرة؟ وسعر قطع الغيار الإستهلاكية للمحرك؟ وأسعار التجييكات؟
وجزاكم الله خير
للعلم سعر vxr+ 5.7 بالشاشات *فل أوبشن و4 كاميرات ب 305 ألف درهم
vxr+ 4.6 بالشاشات فل أوبشن وكاميرا خلفية ب 287 ألف درهم
03-05-2012, 05:20 AM
المواضيع المتشابهه
العرض العادي
