بتكلم عن طرح الكود M من قبل الهيئة طبعاَ اغلب الناس كانت تتريا هالكود وبالفعل هو مميز
وطرشت لنا الهىيئة الكريمة مسجات بطرح الكود m وصار المزاد الالكتروني على 500 رقم تقريبا بتاريخ 2012-02-01
وصار الدفان بالمزاد بالساعات و الدقايق الاخيرة من المزاد الكل يبي يتميز كود يديد من حقه و وصلن الرباعيات تقريبا اقل رقم شفته 8000 الى 7500 اذا ما خاب ظني اذا خاطرك بالرقم كاستعمال براية السعر كتجارة صعب تلقى شراي بالسعر الي تبيه(وجهه نظر) ونا عن نفسي كنت ازايد بس ما اقتنعت بالاسعار وقلت برايه
وبعد تقريبا 20 يوم و بتاريخ 2012-02-21 طرشولنا الهيئة تم فتح مزاد الالكتروني تقريبا 600 رقم صدمة الصراحة اول مرة اشوف مزاد الكتروني مرتين بالشهر ( يمكن اكون غلطان حد يفيدني ) الناس ما لحقت تحط الرقم ع سيايرها وبدأ المزاد وصار نفس المسلسل يمكن نزول طفيف
وبعدها بأيام شفنا اعلان بموقع الهيئة طرح ارقام كود M الرباعيات والخماسيات 3700 ررقم اتوقع
والصرف يكون من كافة فروع هيئة الطرق وللحين موجودة الارقام مثلا الرباعي المخربط ب 2600
و رباعيات القفل مثل 5XY5 OR 4YX4 انطرحن بما قارب 300 رقم بـ 2600 فقط 3 ايام وخلصن كلهن والي لحق لحق بس الناس فالمزاد الالكتروني خذتهن 7000 و 8000
السموحة منكم بس حبيت افضفض لكم و اطلعكم من الروتين المعتاد بالاعلانات :064:
03-07-2012, 09:02 AM
العرض العادي
