|
||||||
التسجيل السريع مُتاح |
|||||
| |
| انشر الموضوع |
 |
|
|
|
|
أدوات الموضوع | انواع عرض الموضوع |
04-21-2012, 12:29 PM
|
المشاركة رقم: 1 | ||||||||||||||||
|
المنتدى :
تـويوتـــا
بسم الله الرحمن الرحيم السلام عليكم ورحمة الله وبركاته : مشكلة يعاني منها الكثير وانا اولهم :**** وتدور ببالي هالفكرة من زمان ولكن ما فضيت لها الصراحة عاد يوم الله كتب وتيسرت الأمور بديت ولا تكلفت يالله لك الحمد، ووالله ما تسوى تِمصّع المعزّبه كل مانزلت لمحل وهي معي تفتح لي وتقفل، تكلفة العمل تقريباً (30) ريال، والمطلوب : مفتاح قفل مع الفيش كما هو واضح بالصورة حق كامري 2007 وفوق بـ 25 ريال و سلك شبكة من أقرب محل كمبيوتر المتر بـ 1.50 ريال ونص ونبدأ بالشرح على بركة الله : . فحص الأسلاك من قفل السواق المركزي  . يوم شفت الشغلة متعبة لأن يبي لها تمديد من باب السواق لين باب الراكب نزلت عند العلبة اللي جنب الكلتش وفحصت الأسلاك  .لقيت الأسلاك وجرحتهن وسويت تمديد. هن سلكين واحد للفتح وواحد للقفل (شرح البحث عن الأسلاك بنهاية الموضوع)  .بعد ما شبكت الأسلاك ومددت (انتبه وانت تتعامل مع هالأسلاك لأنهن صغار بالحيل وممكن بدال ما تجرح السلك تقطعه وابعد مسافة عن الفيش الرئيسي)  .وهنا احترت وين أركب الفيش لأن ما ودي اقص واخرب التخشيب وشفت ان المكان هذا أنسب مكان، جنب الولاعة بأحد الفتحات  وكان عمق الفتحة كبير وعشان كذا قصيته بمنشار عشان يطلع القفل ويكون بارز  مقارنة باللي جنبة  من الخلف- تركيب القفل المركزي والغراء (أبو جنّية) SuperGlue  وهذا شكلة من الأمام  وهنا تمديد الأسلاك للقفل (السلكين الخضر)  تركيب الأسلاك بالفيش (قفل+فتح) وواحد أرضي(أقرب مسمار)  بعد كبس الفيش بالمفتاح وتركيب الديكور  الشكل النهائي  الشكل النهائي من جهة ثانية  وهنا حبيت اسوي ديكور للشكل الخارجي قصيت الزوائد والمقابض الي كانت مغطية الفتحات وفتحت لها من النص مقاس المفتاح   وركبته هنا عشان تسكر الفتحات الي حوالين المفتاح   كان عندي فكرة قديمة مره بس توه تتيسّر للتنفيذ فيه نكبة كبيرة اذا قفلت على المفتاح بالسيارة ممكن تكون مسافر وممكن تكون بالبر وممكن تكون بعيد هذا غير استغلال حقّين المفاتيح :**** الفكره اني احط فتح قفل بس خارجي برى السيارة ومخفي بحيث انه اذا قفلت على مفاتيحك تضغط الفاصل هذا ويفتح البيبان سويتها الحمدلله وضبطت يارب لك الحمد والشكر وطريقته : نفس سلك فتح الأبواب سو له تمديد خارجي وركب له فاصل وسلك ماص وصلى الله وبارك :**** لكن الضحك بالموضوع وانا قاعد اشتغل واركب القفل المركزي للراكب تحمست وفصخت ثوبي وبه كل مفاتيحي وحطيته بالمرتبة الي ورى وانا قاعد اهوجس بفكرة الفاصل الخارجي ويوم خلصت قفلت على عفشي وبلشت :**** لمين رحت لبيتي وجبت السبير. وحطيت الفاصل هنا  وش تدور يالحبيب..؟؟!! قلت لك مخفي يعني بعلمك وينهوبه ؟؟؟؟ ههههههههههههه إلى هنا انتهى الشرح بالصور وباقي طريقة فحص الاسلاك كالتالي: بالنسبة لي عندي لمبة مركب عليها دبوس وسلك للماص وبديت الامس الدبوس بالأسلاك الأساسية اللي من الظفيرة عند الكلتش -وللعلم هي مجموعة اسلاك للتحكم وقفل الدرايش ومن ضمنهن سلك القفل- (المفروض انه تولع اللمبة اذا لامس سلك القفل) لكن بما إن القفل المركزي حسّاس بالحيل يصير كل ما لامست الدبوس بالسلك حق الفتح يفتح واذا بالسلك حق القفل يقفل، صار كأنه موصل يعني أتمنى يكون الشرح وافي وأي استفسار انا حاضر. مدونة : الهللللللللللي لا نستغني عن آرائكم بالمدونة علماً بأنها منكم وإليكم لطرح اي افكار أو ابداعات حيث تكون مرجع لنا وقت الحاجة، ولا اخفيكم انني أجهل بعض أمور الترتيب بها ولكن سوف تتعدل إن شاء الله وأول موضوع كتب بها هذا الموضوع آمل اثرائها بكل جديد ولو كان منقول ولكم خالص التحية أخوكم/ إحمود الخمبقاني (أبوفـهـد) . الموضوع الأصلي: ترهيم قفل مركزي للهايلكس 2006 وفوق (للراكب) || الكاتب: تويـوتا || المصدر: عرب موتورز
jvidl rtg lv;.d ggihdg;s 2006 ,t,r (ggvh;f) |
||||||||||||||||
|
|
||||||||||||||||
| وصلات دعم الموقع |
| وصلات دعم الموقع |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ماهو افضل زيت للهايلكس 2006 وفوق | تويـوتا | تـويوتـــا | 0 | 10-30-2011 08:11 AM |
| مساعده ضروروي كم سعر الاسطب الامامي الاصلي للراكب | تويـوتا | تـويوتـــا | 0 | 10-03-2011 09:17 PM |
| استفسار سؤال عن ترهيم مقدمة افالون 2006 الى 2010 | تويـوتا | تـويوتـــا | 0 | 12-31-2010 04:15 PM |
| ترهيم قفل مركزي في باب الراكب للهايلكس <<< صور | تويـوتا | تـويوتـــا | 0 | 12-03-2010 08:33 AM |
| ابي وجهية وخلفية بي ام 2006 الى 2008 ابيض ترهيم يعني | BMW | بـى إم دابـــليو | 0 | 11-07-2010 10:53 PM |
العرض العادي
